*𝐇𝐄𝐋𝐋𝐎 𝐌𝐎𝐑𝐁𝐈 𝐍𝐄𝐖𝐒:રાજકોટમાં લઘુ અખબારોના આગામી કાર્યક્રમમાં મુખ્યમંત્રી ભુપેન્દ્રભાઈ પટેલ આપશે હાજરી: પ્રતિનિધિ મંડળે મુખ્યમંત્રીશ્રી સહિત મંત્રીમંડળની લીધી શુભેચ્છા મુલાકાત*

રાજકોટમાં લઘુ અખબારોના આગામી કાર્યક્રમમાં મુખ્યમંત્રી ભુપેન્દ્રભાઈ પટેલ આપશે હાજરી: પ્રતિનિધિ મંડળે મુખ્યમંત્રીશ્રી સહિત મંત્રીમંડળની લીધી શુભેચ્છા મુલાકાત

રાજકોટ: ગુજરાત સ્ટેટ સ્મોલ ન્યુઝપેપર એડિટર કાઉન્સિલ દ્વારા આગામી સમયમાં રાજકોટ ખાતે લઘુ અને મધ્યમ અખબારોના હિતાર્થે એક વિશેષ કાર્યક્રમનું આયોજન કરવામાં આવનાર છે. આ કાર્યક્રમની રૂપરેખા ટૂંક સમયમાં જાહેર કરવામાં આવશે, પરંતુ અત્યંત હર્ષની વાત એ છે કે ગુજરાતના લોકપ્રિય મુખ્યમંત્રી ભુપેન્દ્રભાઈ પટેલે આ કાર્યક્રમમાં હાજરી આપવા માટે પોતાની સૈદ્ધાંતિક સંમતિ આપી દીધી છે.
ગુજરાત સ્ટેટ સ મોલ ન્યુઝ પેપર એડિટર કાઉન્સિલના ચેરમેન યશવંતભાઈ જનાણી અને પ્રમુખ સુરેશભાઈ પરમારના નેતૃત્વમાં એક પ્રતિનિધિ મંડળે ગાંધીનગર સચિવાલય ખાતે મુખ્યમંત્રી ભુપેન્દ્રભાઈ પટેલની રૂબરૂ મુલાકાત લીધી હતી. આ સૌજન્ય મુલાકાત દરમિયાન હોદ્દેદારોએ આગામી સમયમાં રાજકોટના આંગણે યોજાનાર કાર્યક્રમમાં ઉપસ્થિત રહેવા મુખ્યમંત્રીશ્રીને ભાવભર્યું નિમંત્રણ પાઠવ્યું હતું, જેનો તેઓએ સહર્ષ સ્વીકાર કર્યો હતો. આ સાથે જ પ્રતિનિધિ મંડળે રાજ્યના વિવિધ મંત્રીમંડળના સભ્યો તેમજ ઇફ્કોના ચેરમેન દિલીપભાઈ સંઘાણીની પણ શુભેચ્છા મુલાકાત લીધી હતી.
આ પ્રતિનિધિ મંડળમાં મહામંત્રી એચ. એ. નકાણી, મંત્રી નારણભાઈ સોલંકી, ભાવેશભાઈ આચાર્ય, પ્રકાશભાઈ સોલંકી અને પીઢ પત્રકાર યોગીજી જોડાયા હતા. ગુજરાત સ્ટેટ સ મોલ ન્યુઝ પેપર એડિટર કાઉન્સિલની સક્રિય રજૂઆતોને કારણે જ રાજ્ય સરકારે પત્રકારો માટે વોલ્વો બસોમાં નિ:શુલ્ક મુસાફરીનો પરિપત્ર જાહેર કર્યો છે. આ બેઠકમાં ચેરમેન દ્વારા મકાનવેરામાં વ્યાજ મુક્તિ અને ગ્રાન્ટેડ શાળાઓ માટે વિશેષ રજૂઆત મુખ્યમંત્રી સમક્ષ મૂકવામાં આવી હતી.

સુરેશ પરમાર
પ્રમુખ,
ગુજરાત સ્ટેટ સ મોલ ન્યુઝ પેપર એડિટર કાઉન્સિલ,રાજકોટ
મો.૯૮૨૪૩૧૩૯૧૪