*𝐇𝐄𝐋𝐋𝐎 𝐌𝐎𝐑𝐁𝐈 𝐍𝐄𝐖𝐒: શિક્ષણ,સેવા, સમાજ અને જાહેર જીવન ક્ષેત્રે પ્રેરણાદાયી કાર્ય કરતા જૂનાગઢના પ્રદીપભાઈ પ્રાણલાલભાઈ ખીમાણી*

શિક્ષણ,સેવા, સમાજ અને જાહેર જીવન ક્ષેત્રે પ્રેરણાદાયી કાર્ય કરતા જૂનાગઢના પ્રદીપભાઈ પ્રાણલાલભાઈ ખીમાણી
કેટલાક માણસો આ પૃથ્વી ઉપર પરોપકાર અર્થે જ જન્મેલા છે.પિતા પ્રાણલાલભઈ હંસરાજભાઈ ખીમાણી અને માતા જયાબેન ના પરિવારમાં તારીખ 26-2-1959 ના રોજ રાજકોટ ખાતે જન્મેલા જૂનાગઢના પ્રદીપભાઈ ખીમાણી એક આગવું વ્યક્તિત્વ ધરાવતા જાહેર જીવનના સેવાભાવી માનવી છે.શિક્ષણ,સેવા, સમાજ અને જાહેર જીવન ક્ષેત્રે તેમનું વિશિષ્ટ પ્રદાન અને યોગદાન છે.તેઓ નગરપાલિકા સેલના પ્રદેશ કન્વીનર, ગુજરાત શિક્ષણ વિભાગના સભ્ય તેમજ દેવભૂમિ દ્વારકા જિલ્લા ભાજપ પ્રભારી રહી ચૂક્યા છે.1972 થી(બાલ્યકાળ) આર.એસ.એસ.ના સ્વયંસેવક છે.1980 થી 1983 સુધી અખિલ ભારતીય વિદ્યાર્થી પરિષદના જિલ્લા કન્વીનર તેમજ ગુજરાત રાજ્ય વિવેકાનંદ કેન્દ્ર કન્યાકુમારીમાં 1990 થી 1993 સુધી સહકન્વીનર હતા.1995 થી 2001 અને 2011થી 2013 સુધી જૂનાગઢ જિલ્લા ભાજપ મહામંત્રી તેમજ 2001 થી 2005 સુધી જૂનાગઢ મહાનગર ભાજપ પ્રમુખ તરીકે તેમણે સફળતાપૂર્વક જવાબદારી વહન કરેલ છે.
1994 થી 1999 સુધી જૂનાગઢ નગરપાલિકા સદસ્ય તેમજ 2004 થી 2009 જૂનાગઢ મહાનગરપાલિકા સદસ્ય રહ્યા છે.આ સમય દરમિયાન 2004 થી 2007 માં તેઓ મહાનગરપાલિકા જૂનાગઢ શાસક પક્ષના નેતા અને 2007 થી 2008 જૂનાગઢ મહાનગરપાલિકા સ્ટેન્ડીગ કમિટી ચેરમેન હતા.2020 થી 2023 સુધી ઈન્ડિયન મેરીટાઈમ યુનિવર્સિટી ચેન્નાઈના ફાયનાન્સીયલ એડવાઈઝર હતા.2015 થી 2016 ભાજપ સદસ્યતા અભિયાનના સૌરાષ્ટ્ર ઝોનના ઇન્ચાર્જ રહ્યા છે.2016 તેમજ 2023 માં પ્રશિક્ષણ વર્ગના સૌરાષ્ટ્ર ઝોનના ઇન્ચાર્જ તેમજ 2017 અને 2019 માં વિસ્તારક યોજના માટે સૌરાષ્ટ્ર ઝોનના ઇન્ચાર્જ હતા.2021 માં વર્ચ્યુઅલ પ્રશિક્ષણ વર્ગ સૌરાષ્ટ્ર ઝોનના કોઓર્ડિનેટર હતા.2023 માં ભાજપા સીનીયર કાર્યકર્તા સંકલન માટે સૌરાષ્ટ્ર ઝોનના ઇન્ચાર્જ રહ્યા છે.2024 માં કર્ણાવતી મહાનગર ભાજપના ચૂંટણી અધિકારી તેમજ વર્ષ 2025 માં શકિત કેન્દ્ર સંયોજક પ્રશિક્ષણ વર્ગ માટે સૌરાષ્ટ્ર ઝોનના ઇન્ચાર્જ રહ્યા છે.
પ્રદીપભાઈ ખીમાણીને અનેક રાષ્ટ્રીય તેમજ આંતરરાષ્ટ્રીય કક્ષાના એવોર્ડ મળ્યા છે. જેમાં ભારત જ્યોતિ એવોર્ડ,બેસ્ટ સીટીઝન ઓફ ઈન્ડિયા એવોર્ડ, રાષ્ટ્રીય રત્ન એવોર્ડ,રાજીવ ગાંધી એવોર્ડ, ઈન્દિરા ગાંધી સદભાવના એવોર્ડ, ગ્લોબલ ઈન્ડિયા ઓફ ધી યર એવોર્ડ,પ્રાઈડ ઓફ ઈન્ડિયા એવોર્ડ, ગોલ્ડ સ્ટાર મિલેનિયમ એવોર્ડ,ભારત જ્યોતિ પુરસ્કાર, ઈન્ડિયન શિક્ષા રત્ન એવોર્ડ, ગ્લોરી ઓફ ઈન્ડિયા એવોર્ડ, રાષ્ટ્રીય પ્રગતિ એવોર્ડ,ઈન્ડો -થાઈલેન્ડ ઈન્ટરનેશનલ એચીવર્સ એકસેલેન્સ એવોર્ડ ફોર ટેલેન્ટેડ પર્સનાલિટી -2018,ઈન્ડો -રશિયા ફ્રેન્ડશીપ એવોર્ડ ફોર ઈકોનોમી ડેવલપમેન્ટ,ભારત ગૌરવ પુરસ્કાર, ભારત રત્ન ડો.એ.પી.જે.અબ્દુલ કલામ એજ્યુકેશન એકસેલેન્સ એવોર્ડ, ઈન્ટરનેશનલ આઈકોન એવોર્ડ ઈન એજ્યુકેશન, ઈન્ડિયા એજ્યુકેશન એકસેલેન્સ લીડરશીપ એવોર્ડ જેવા અનેકવિધ એવોર્ડ, પુરસ્કારથી તેઓ સન્માનિત થયેલા છે.ઉપરોકત એવોર્ડ ભારત દેશમાં મધર ટેરેસાથી લઈને અનેક મહાનુભાવોને મળ્યા છે.
હાલમાં તેઓ 16-5-2023 થી પોરબંદર જિલ્લા ભાજપ પ્રભારી તેમજ 7-8-2021 થી રાષ્ટ્રીય પ્રશિક્ષણ અભિયાન વિભાગ, ગુજરાત રાજ્યના સંયોજક છે.વર્તમાનમાં તેઓ કેટલીક સરકારી જવાબદારીઓ પણ વહન કરી રહેલ છે. જેમાં સેન્ટ્રલ બેંક ઓફ ઇન્ડિયાના ડાયરેક્ટર, ગિરનાર યાત્રાધામ વિકાસ મંડળ ગાંધીનગરના સભ્ય,એથીકસ કમિટી જૂનાગઢ મેડીકલ કોલેજના મેમ્બર તેમજ રોગી કલ્યાણ સમિતિ જૂનાગઢ સિવિલ હોસ્પિટલના મેમ્બર તરીકેની તેમની સેવા ખૂબ જ સરાહનીય રહી છે.તેમણે સ્ટેટીકસ,કોસ્ટીગ, ઈન્ડસ્ટ્રી, મોર્ડન ફાયનાન્સ, બિઝનેસ મેનેજમેન્ટ એમ પાંચ વિષયોમાં એમ.કોમ. કરેલ છે.શિક્ષણ, સમાજ, આરોગ્ય,સેવા, જાહેર જીવન એમ વિવિધ ક્ષેત્રોમાં સમર્પિત ભાવથી નિરંતર કાર્યરત એવા માનનીય પ્રદીપભાઈ ખીમાણીને અભિનંદન આપવા તેમનો મોબાઈલ નંબર 9426717000 છે.ફેસબુક ઉપર તેમના 40554 ફોલોઅર્સ છે.અર્થશાસ્ત્રમાં તેમનો ખૂબ ઉંડો અભ્યાસ છે.દર વર્ષે કેન્દ્ર સરકારના બજેટ ઉપર તેમના અભ્યાસપૂર્ણ અભિપ્રાય આવતા હોય છે. તેમનાં ધર્મપત્ની શીતલબેન,દીકરાઓ ડો.રઘુકુમાર,સાગરભાઈ, પુત્રવધુઓ ડો.બંસીબેન, ચાંદનીબેન સહિત સમગ્ર પરિવાર પ્રદીપભાઈ ખીમાણીને તેમનાં સત્કાર્યોમાં સંપૂર્ણ સહકાર આપે છે.
જૂનાગઢ અને સમગ્ર સૌરાષ્ટ્ર પંથકમાં એક ઉચ્ચ કક્ષાના શિક્ષણવિદ્, શ્રેષ્ઠ સમાજસેવક, પ્રખર અર્થશાસ્ત્રી તરીકેની તેમની આગવી નામના છે.બાળપણથી જ તેમનું ઘડતર આર.એસ.એસ. માં થયું હોવાથી એક પ્રબુધ્ધ રાષ્ટ્રવાદી તરીકે તેમની ગણના થાય છે.વિતેલા દિવસોમાં જૂનાગઢ ખાતે શ્રી લોહાણા મહા પરિષદની કારોબારી મળી ત્યારે હું, ધનરાજભાઈ ઠક્કર -પાટણ, શંકરભાઈ કતીરા તેમજ મહેશભાઈ ઉડેચા -ડીસા વિગેરે જૂનાગઢ ગયેલ ત્યારે પ્રદીપભાઈ ખીમાણીને રૂબરૂ મળવાનું થયેલ.તેમનો મીઠો આવકાર અમારા સૌ માટે સંભારણું બની ગયેલ છે.એ વખતે જૂનાગઢના શ્રી પરેશભાઈ મનસુખલાલ રૂપારેલિયાની સેવા-સરભરા પણ યાદગાર રહી છે.એકદમ સરળ,સહજ, નિખાલસ, નિરાભિમાની એવા પ્રદીપભાઈ ખીમાણી લોહાણા સમાજ ઉપરાંત સૌરાષ્ટ્ર વિસ્તારનું વિશિષ્ટ ગૌરવ છે.વિવિધ વિષયો ઉપર તેમની સાથે ચર્ચા કરવાનો એક અનેરો લ્હાવો છે.જૂનાગઢ પંથકના વિકાસ માટે તેઓ સતત ચિંતા અને ચિંતન કરી ગુજરાત સરકારમાં સમયોચિત રજૂઆત કરતા જ હોય છે.
ખૂબ જ અભ્યાસુ, જાગૃત,કર્મઠ, ઉત્સાહી, નિયમિત, નિષ્ઠાવાન, પ્રબુધ્ધ,પ્રખર રાષ્ટ્રવાદી,સારા અર્થશાસ્ત્રી એવા પ્રદીપભાઈ ખીમાણીને તેમનાં વિવિધ સત્કાર્યો માટે આદર અને અદબપૂર્વક વંદન.. અભિનંદન તેમજ અઢળક શુભેચ્છાઓ.તેમના નિરામય દીર્ઘાયુ માટે પરમપિતા પરમાત્માને પ્રાર્થના…
ભગવાનભાઈ બંધુ
ડીસા -ગુજરાત
મોબાઈલ:9825638643