*𝐇𝐄𝐋𝐋𝐎 𝐌𝐎𝐑𝐁𝐈 𝐍𝐄𝐖𝐒:કચ્છની રાજધાની ભુજ મહાનગરમાં શ્રી જલારામ ગૌ સત્સંગ મંડળ ડીસાના 𝟏𝟏𝟏 જલારામ ભક્તોની હાજરીમાં પૂજ્ય જલારામ બાપાના ભજનનો થયો શાનદાર પ્રારંભ*

કચ્છની રાજધાની ભુજ મહાનગરમાં શ્રી જલારામ ગૌ સત્સંગ મંડળ ડીસાના 111 જલારામ ભક્તોની હાજરીમાં પૂજ્ય જલારામ બાપાના ભજનનો થયો શાનદાર પ્રારંભ
ધાનેરા,ભીલડી, દિયોદર,પાટણ, ભાભર, હારિજ, પાલનપુર, રાધનપુર,થરાદ સહિત વિવિધ સ્થળોએ પૂજ્ય જલારામ બાપાનાં ભજન શરૂ કરાવ્યા બાદ શ્રી જલારામ ગૌ સત્સંગ મંડળ ડીસા દ્રારા કચ્છની અતિ વિકસિત રાજધાની ભુજ નગરમાં તારીખ 28-5-2026 ગુરૂવારે શ્રીમતી મનીષાબેન કરસનભાઈ પટેલ પરિવારના નિવાસસ્થાનેથી પૂજ્ય જલારામ બાપાના ભજનનો શાનદાર પ્રારંભ કરવામાં આવ્યો હતો.
ભુજ નગરમાં 325 એટલે કે અંદાજે છ વર્ષના ગુરૂવારનાં એડવાન્સ ભજનની નોંધણી થયેલ છે જે એક ઐતિહાસિક રેકોર્ડ ગણાશે.શ્રી જલારામ ગૌ સત્સંગ મંડળ ડીસાના 111 જલારામ ભકતો જલારામ મંદિર ડીસા ખાતે દર્શન કરી, ભોજન પ્રસાદ લઈ,રાત્રિ મુસાફરી કરી માતાના મઢ, લક્ષ્મીનારાયણ મંદિર દેશલપર ખાતે દર્શન કરી ભુજ 7 એરો હોટલ ઉપર પહોંચતાં જ ભુજના જલારામ ભક્તોએ સૌનું લાગણીસભર સ્વાગત કર્યું હતું.જલારામ મંદિર ડીસા ખાતે ઈન્ટરનેશનલ લોહાણા મહિલા મંડળનાં પ્રમુખ બીનાબેન ઠક્કર, માર્ગદર્શક તેમજ લોહાણા ન્યૂઝના તંત્રી આનંદભાઈ પી ઠક્કર,ભારત વિકાસ પરિષદ મુખ્ય શાખાના મંત્રી વૈકુંઠભાઈ કારિયા સહિત વિવિધ અગ્રણીઓએ સૌનું સન્માન કરી શુભેચ્છાઓ પાઠવી હતી.
ભુજ ખાતે નરેશભાઈ પૂજારા, કિશોરભાઈ ગોકલાણી, મુકેશભાઈ પારી, નટુભાઈ સહાયતા, ભરતભાઈ રાણા, અનીલભાઈ માધાપર, સુરેશભાઈ ગોકલાણી, અલ્પેશભાઈ પૂજારા,કિશોરભાઈ પૂજારા, અશોકભાઈ કુકમાવાળા,દીપભાઈ ઠક્કર સહિત વિવિધ અગ્રણીઓ તેમજ કાર્યકરોએ સાથે મળીને રહેવા, ભોજન, નાસ્તાની સુંદર વ્યવસ્થા કરી હતી.
પ્રથમ ભજનના યજમાન શ્રીમતી મનીષાબેન કરસનભાઈ પટેલ પરિવારના નિવાસસ્થાન સેન્ડલવુડ સોસાયટી, મિરઝાપર રોડ, ભુજ ખાતે પ્રવેશદ્વાર ઉપર જ શ્રી જલારામ ગૌ સત્સંગ મંડળ ડીસાના તમામ હરિભક્તોનું ઢબૂકતા ઢોલના નાદે ફૂલવર્ષા થકી પ્રેરણાદાયી સન્માન સ્વાગત કરવામાં આવ્યું હતું.પૂજ્ય જલારામ બાપાના પ્રથમ શુભારંભ ગુરૂવારના ભજનમાં સમગ્ર સનાતન હિંદુ સમાજમાંથી અગ્રણીઓ અને હરિભક્તો પધાર્યા હતા.ઉપસ્થિત સૌ કોઈએ શ્રી જલારામ ગૌ સત્સંગ મંડળ ડીસાનું સમયબધ્ધ આયોજન જોઈ અતિશય રાજીપો વ્યક્ત કર્યો હતો.
ભુજ લોહાણા મહાજનના પ્રમુખ ડો.મુકેશભાઈ ચંદે,મંત્રી કમલભાઈ કારિયા, અગ્રણી સુરેશભાઈ ખીમજીભાઈ ચંદે, કાંતિલાલ પેપળુવાળા,થરપારકર લોહાણા ચોવીસી મહાજના પૂર્વ પ્રમુખ ડો.પી.એન.આચાર્ય,ઉત્તર ગુજરાત દેશી લોહાણા મહાજન ભુજના પ્રમુખ નરેશભાઈ પૂજારા, પૂર્વ પ્રમુખો કિશોરભાઈ મીત મેડિકલવાળા, મુકેશભાઈ પારી, વાગડ લોહાણા મહાજનના પ્રમુખ રમેશભાઇ મજેઠીયા, અગ્રણીઓ ભરતભાઈ રાજદે, અતુલભાઈ દવે,દિપકભાઇ રેલોન, સતીષભાઈ બી.ગણાત્રા, અલ્પેશભાઈ પૂજારા, અશોકભાઈ રાણા સહિત ઘણી મોટી સંખ્યામાં ઉપસ્થિત રહેલ આગેવાનો અને કાર્યકરોએ પૂજ્ય જલારામ બાપાના ભજનની અનેરી મોજ માણી હતી.દરેક ભજન વખતે વારાફરતી ભાઈઓ અને બહેનોએ ગરબે રમી પોતાનો નિજાનંદ વ્યકત કર્યો હતો.સદગત ગીતાબેન પ્રદીપભાઈ ઠક્કર તેમજ સદગત કપીલકુમાર રમેશભાઈ રૈયાણીના ગુણાનુવાદ કરી, મૌન પાળી, દિવ્ય શ્રધ્ધાંજલિ અર્પણ કરવામાં આવી હતી.યજમાન પરિવારનું પૂજ્ય જલારામ બાપાના મોમેન્ટોથી વાજતેગાજતે ભવ્યાતિભવ્ય દિવ્યાતિદિવ્ય સન્માન કરવામાં આવ્યું હતું.
ભજન સંચાલક ડીસાના ભગવાનભાઈ બંધુએ ગૌસેવા હેતુ અપીલ કરતાં અંદાજે ત્રણ લાખ રૂપિયા જેટલી ગૌસેવા એકત્ર થઇ હતી. જેમાંથી રોકડમાં આવેલ ગૌસેવા અંદાજે 2,04,000 માં જરૂરી રકમ ઉમેરી 2,11,000 બે લાખ અગિયાર હજાર વારાહી ગૌશાળામાં અર્પણ કરવામાં આવ્યા હતા.
બીજા દિવસે કબરાઉ મોગલ ધામ,રવેચી માતાજી મંદિર, વ્રજવાણી મંદિર થઈ વારાહી ગૌશાળા પહોંચેલ તમામ હરિભક્તોનું ઢબૂકતા ઢોલના નાદે શાનદાર સન્માન કરવામાં આવ્યું હતું.વારાહી ગૌશાળા ખાતે ગૌસેવા અર્પણ કરી,ગૌમાતાઓનાં દર્શન કરી, ભોજન પ્રસાદ લઈ મોડીરાત્રે સૌ જલારામ મંદિર ડીસા ખાતે પરત ફરતાં આંખમાં આનંદનાં આંસુ સાથે મીઠાં સંસ્મરણો લઈ સૌ છૂટા પડ્યા હતા.