મોરબી:તા ૨૧ રમત, ઉત્સાહ અને પરિવાર સાથેની ખુશીની ઉજવણી નવયુગ સંકુલમાં સ્પોર્ટ્સ ડે ઉજવાયો
નવયુગ સંકુલમાં KG થી ધોરણ 12 ના વિદ્યાર્થીઓ માટે આયોજિત બે દિવસીય રમોત્સવ ઉત્સાહ અને આનંદમય વાતાવરણમાં સંપન્ન થયો. આ રમોત્સવમાં વિદ્યાર્થી મિત્રો સાથે વાલી મિત્રોએ પણ ઉત્સાહપૂર્વક ભાગ લઈ વિવિધ રમતોમાં આનંદ માણ્યો.
રમતગમત અને ફન એક્ટિવિટીઝ દ્વારા બાળકોમાં આત્મવિશ્વાસ, સહકાર અને રમતભાવના વિકસાવી. વાલી મિત્રોની સક્રિય હાજરીથી સમગ્ર કાર્યક્રમ પરિવારિક માહોલમાં ઉજવાયો. શિક્ષકમિત્રોએ સુંદર આયોજન સાથે પોતાની જવાબદારી બખૂબી નિભાવી, જેના કારણે કાર્યક્રમ સંપૂર્ણ શિસ્તબદ્ધ અને સફળ રહ્યો.
સંસ્થાના પ્રમુખ શ્રી કાંજીયા સાહેબનો સંદેશ
“વિધાર્થી જીવનમાં રમતગમત વિદ્યાર્થીઓના વ્યક્તિત્વ વિકાસ માટે અત્યંત મહત્વપૂર્ણ છે.
રમતગમત દ્વારા શિસ્ત, ટીમ વર્ક, નેતૃત્વ અને આત્મવિશ્વાસ વિકસે છે.
સ્પોર્ટ્સ ડે દરમિયાન વિદ્યાર્થીઓએ દર્શાવેલો ઉત્સાહ અને સ્ટાફની મહેનત પ્રશંસનીય છે.”
નવયુગ ગ્રુપ ઓફ કોલેજ — બે દિવસીય સ્પોર્ટ્સ ડે
નવયુગ ગ્રુપ ઓફ કોલેજ ખાતે તારીખ 19 અને 20 ડિસેમ્બર 2025 ના રોજ બે દિવસીય સ્પોર્ટ્સ ડેનું આયોજન ઉત્સાહ, શિસ્ત અને રમતભાવનાથી ભરપૂર વાતાવરણમાં કરવામાં આવ્યું. આ સ્પોર્ટ્સ ડેનો મુખ્ય હેતુ કોલેજના વિદ્યાર્થીઓમાં રમતગમત પ્રત્યે રસ વધારવો, ટીમ વર્ક, નેતૃત્વ ક્ષમતા, શિસ્ત તથા સ્વસ્થ જીવનશૈલીનું મહત્વ ઉજાગર કરવાનો હતો.
સ્પોર્ટ્સ ડે દરમિયાન કોલેજના વિવિધ વિભાગોના વિદ્યાર્થીઓએ ઉત્સાહપૂર્વક ભાગ લીધો હતો. કાર્યક્રમમાં 100 મીટર દોડ, ઊંચી કૂદ/લાંબી કૂદ, ગોળા ફેંક, શટલ રેસ, ખો-ખો, દોરી ખેંચ (ટગ ઓફ વોર), બાસ્કેટબોલ, રસ્સી રેસ તથા ચેસ જેવી વિવિધ રમતગમતનું આયોજન કરવામાં આવ્યું હતું. દરેક રમતમાં વિદ્યાર્થીઓએ પોતાની ઝડપ, સહનશક્તિ, રમત કુશળતા અને ટીમ ભાવનાનું ઉત્તમ પ્રદર્શન કર્યું.
ટીમ આધારિત રમતોમાં વિદ્યાર્થીઓ વચ્ચે સહકાર અને એકતાની ભાવના સ્પષ્ટ રીતે જોવા મળી. તમામ રમતોનું સંચાલન સ્ટાફ સભ્યો અને આયોજક ટીમ દ્વારા જવાબદારીપૂર્વક કરવામાં આવ્યું, જેના કારણે સમગ્ર કાર્યક્રમ વ્યવસ્થિત અને સફળ રહ્યો. કાર્યક્રમના અંતે વિજેતા વિદ્યાર્થીઓને અભિનંદન પાઠવવામાં આવ્યા અને તમામ ભાગ લેનાર વિદ્યાર્થીઓની રમતભાવનાને બિરદાવવામાં આવી.
