ઝીંઝોડા:મોરબી તાલુકાના ઝીંઝુડા ગામથી ફડસર, આમરણ ગામને જોડતો દસ કિમીનો રસ્તો અત્યંત ભંગાર હાલતમાં હોવાથી ગામલોકોને અવરજવર કરવામાં ભારે હાલાકી પડે છે. આ ખરાબ રોડ પ્રશ્ને યોગ્ય કાર્યવાહી કરે તેવી ગામલોકોએ માંગ કરી છે.
મોરબી તાલુકાના ઝીંઝુડા ગામથી આમરણ ચોવીસી ગામ સુધીનો દસ કિમીનો રસ્તો ઘણા સમયથી એકદમ ખરાબ હાલતમાં છે. ગામલોકોના જણાવ્યા મુજબ આ રસ્તો એટલો ખખડધજ થઈ ગયો છે કે, અવરજવર કરવામાં અકસ્માતનું જોખમ રહે છે. આ રસ્તા ઉપર ઠેરઠેર ગાબડાઓ પડી ગયા છે અને ચોમાસામાં તો આ રસ્તાની ખૂબ જ નાજુક હાલત થઈ જાય છે. આ રસ્તો એકદમ અંતરીયાળ હોવાથી બન્ને ગામના લોકોને ભારે મુશ્કેલી પડે છે. જેથી ઝીંઝુડાથી આમરણ ગામ સુધીના ખરાબ રોડ મામલે સંબધિત તંત્ર યોગ્ય કાર્યવાહી કરે તેવી લોકોએ માંગ ઉઠાવી છે.
