*𝐇𝐄𝐋𝐋𝐎 𝐌𝐎𝐑𝐁𝐈 𝐍𝐄𝐖𝐒:નવનિર્મિત ઓગડ તાલુકા પંચાયતના પ્રથમ ઉપપ્રમુખ તરીકે ભારતીબેન નિરંજનભાઈ ઠક્કરની કરવામાં આવી નિમણૂંક*

નવનિર્મિત ઓગડ તાલુકા પંચાયતના પ્રથમ ઉપપ્રમુખ તરીકે ભારતીબેન નિરંજનભાઈ ઠક્કરની કરવામાં આવી નિમણૂંક
બનાસકાંઠા જિલ્લાના નવનિર્મિત ઓગડ તાલુકા પંચાયતના નવા પદાધિકારીઓની જાહેરાત થતાં તાલુક પંચાયતના પ્રથમ પ્રમુખ તરીકે નીતાબેન દશરથજી ઠાકોરની સાથે પ્રથમ ઉપપ્રમુખ તરીકે ભાજપના ખૂબ જ વફાદાર, નિષ્ઠાવાન, નિસ્વાર્થ પાયાના કાર્યકર એવા સદગત અચરતલાલ શીવરામભાઈ ઠક્કરનાં પુત્રવધુ ભારતીબેન નિરંજનભાઈ ઠક્કરની નિમણૂંક થતાં સમગ્ર ગુજરાતના રઘુવંશી લોહાણા સમાજ તેમજ ઓગડ- કાંકરેજ પંથકમાં ખૂબ જ આનંદની લાગણી ફેલાઈ છે.
માનનીય શ્રી નરેન્દ્રભાઇ મોદીના ખૂબ જ નિકટ અને વિશ્વાસુ ગણાતા સદગત અચરતલાલ શીવરામભાઈ ઠક્કરે કાંકરેજ તાલુકા ભાજપ મહામંત્રી અને પ્રમુખ તરીકે ફરજ બજાવ્યા બાદ તેમની પક્ષ નિષ્ઠાને લઈ મહેશભાઈ દવે જિલ્લા પ્રમુખ બન્યા‌ ત્યારે તેમને બનાસકાંઠા જિલ્લા ભાજપ મહામંત્રી બનાવવામાં આવ્યા હતા.એ વખતે તેમના સાથી મહામંત્રી તરીકે દિનેશભાઈ અનાવાડિયા હતા.આ ટીમના વડપણ હેઠળ બનાસકાંઠા જિલ્લામાં સૌપ્રથમવાર વિધાનસભાની તમામ સીટો ભાજપ જીત્યું હતું જે એક ઐતિહાસિક રેકોર્ડ છે.માનનીય મુળુભાઇ બેરા ગુજરાત ગ્રામ ગૃહ નિર્માણ બોર્ડના અધ્યક્ષ હતા ત્યારે અચરતલાલ ઠક્કરની તેમાં ડિરેક્ટર તરીકે નિમણૂંક કરાઈ હતી.આ પરિવારનાં જ ચારૂબેન ભગવાનભાઈ બંધુ 1998 માં ખારિયા તાલુકા પંચાયતની સીટ ઉપર ભાજપમાંથી 1080 વોટથી ચૂંટણી જીતીને તાલુકા ડેલીગેટ બન્યાં હતાં જે સમગ્ર બનાસકાંઠા જિલ્લામાં સૌથી મોટી લીડવાળી જીત હતી.ભગવાનભાઈ બંધુ છેલ્લી ત્રણ ટર્મથી બનાસકાંઠા જિલ્લા ભાજપ કારોબારીમાં હતા.નિરંજનભાઈ અચરતલાલ ઠક્કરે કાંકરેજ તાલુકા ભાજપમાં મહત્વની જવાબદારી નિભાવ્યા બાદ તેઓ ભાભર ભાજપ શહેર પ્રભારી બન્યા હતા.બનાસકાંઠા જિલ્લા યુવા ભાજપ પ્રમુખ તરીકે અમૃતલાલ દવે હતા ત્યારે નિરંજનભાઈ મહામંત્રી બન્યા હતા. કાંકરેજ તાલુકા ભાજપના પ્રથમ પૂર્વ ધારાસભ્ય સદગત મગનસિંહજી વાઘેલા, પૂર્વ ધારાસભ્ય અને હાલ રાજ્યસભાના સાંસદ બાબુભાઇ દેસાઇ તેમજ ગુજરાત સરકારના પૂર્વ મંત્રી અને હાલ બનાસકાંઠા જિલ્લા ભાજપના કર્મઠ, ઉત્સાહી, નિષ્ઠાવાન અધ્યક્ષ કીર્તીસિંહજી વાઘેલાને વફાદાર રહી તમામની પ્રગતિ માટે અચરતલાલ શીવરામભાઈ ઠક્કર પરિવાર હરહંમેશ ભાજપ માટે નિષ્ઠાવાન રહેલ છે.આ પરિવારની ભાજપ પ્રત્યેની વફાદારી,નિષ્ઠા અને કર્મઠતાને લઈ એક સમયે અચરતલાલ ઠક્કર, ભગવાનભાઈ બંધુ અને નિરંજનભાઈ ઠક્કર એમ ત્રણેય જિલ્લા ભાજપ કારોબારીમાં હતા એ પણ એક ઐતિહાસિક રેકોર્ડ કહેવાય.
થરા જલારામ મંદિરના ખૂબ જ નિષ્ઠાવાન અને પ્રમાણિક સેવક એવા નિરંજનભાઈ ઠક્કર ગૌસેવા, અન્નસેવા,જળસેવા, વંચિત સમુદાયનાં સમુહલગ્ન સહિત વિવિધ સેવાકીય પ્રવૃતિઓ સાથે સંકળાયેલ છે.
સદગત અચરતલાલ શીવરામભાઈ ઠક્કરના સમગ્ર પરિવારને તાલુકા, જિલ્લા અને ગુજરાત પ્રદેશ ભાજપના આગેવાનો ભાજપ પરિવાર તરીકે જ ઓળખે છે.વીરપુરનો પૂજ્ય જલારામ બાપાનો રોટલો વખણાય તેવી રીતે જ અચરતબાપા પરિવારનો પણ સમગ્ર પંથકમાં રોટલો વખણાય અને તેથી અસંખ્ય આગેવાનો તેમના પરિવારની મહેમાનગતિ માણી ચૂકયા છે.આ પરિવારના હર્ષદભાઈ, નિરંજનભાઈ સહિત સમગ્ર પરિવાર આજે પણ ધાર્મિક, શૈક્ષણિક,જીવદયા તેમજ સામાજિક અવસરે અગ્રેસર રહી અનેક સત્કાર્યોમાં સહયોગી બને છે. તેમજ સામાજિક અવસરે અગ્રેસર રહી અનેક સત્કાર્યોમાં સહયોગી બને છે.