મોરબી : મોરબી એલ.સી.બી. (લોકલ ક્રાઇમ બ્રાન્ચ) તથા પેરોલ ફર્લો સ્કવોડ ટીમ દ્વારા ગાંધીનગર સેકટર-21 પોલીસ સ્ટેશનના છેતરપીંડી, વિશ્વાસઘાતના ગુન્હામાં છેલ્લા સાત માસથી નાસતા ફરતા આરોપીને પકડી પાડવામાં આવ્યો છે.
મોરબી એલ.સી.બી. અને પેરોલ ફર્લો સ્કવોડની ટીમ પેટ્રોલીંગમાં હતી. તે દરમ્યાન પેરોલ ફર્લો સ્કવોડના પોલીસને ખાનગી રાહે મળેલ હકીકત આધારે ગાંધીનગર સેકટર-21 પોલીસ સ્ટેશનમાં નોંધાયેલ છેતરપીંડીના ગુન્હામાં નાસતા-ફરતો આરોપી અવેશ ઉર્ફે આવેશ સીદીકભાઇ મોવર (ઉ.વ. 46, રહે. માળીયા, હાલ રહે. મોરબી, વાવડી રોડ, ક્રીષ્ના પાર્ક સોસાયટી)ને આજે તા. 18ના રોજ મોરબીમાં વાવડી રોડ ઉપરથી પકડી પાડવામાં આવ્યો છે. તેમજ તેને આગળની કાર્યવાહી અર્થે મોરબી સીટી એ ડીવીઝન પોલીસ સ્ટેશનને સોપી ગાંધીનગર સેકટર-21 પોલીસ સ્ટેશનને જાણ કરેલ છે. આમ, એલ.સી.બી.ને છેલ્લા સાત માસથી છેતરપીંડી, વિશ્વાસઘાતના ગુન્હામાં નાસતા ફરતા આરોપીને પકડી પાડવામાં સફળતા મળેલ છે.
