પ્રતિશ્રી,
એસ.પી.સાહેબ.
મોરબી,
વિષય :- મોરબી શહેર અને જીલ્લા માં કાયદો વ્યવસ્થા ની પરિસ્થિતિ ને કડક બનાવી, ગુંડા તત્વો સામે આકરી કલમ લગાવી, કાર્યવાહી કરવા બાબત.
મોરબી શહેર અને મોરબી જીલ્લામાં ગુંડા, આવારા તત્વો એ માઝા મૂકી છે દિન દહાડે જાહેરમા મારકૂટ, ઘરમાં ઘૂસી ને માર મારવા, જાહેરમા બીભત્સ વર્તન કરવુ, દારૂ, જૂગાર, છેડતી જેવી ઘટનાઓ રોજ બરોજ બને છે. પોલીસ તંત્રની જાણે ઘાક જ ના હોય તેવું લોકો ચર્ચા કરી રહ્યા છે. તાજેતરમાં સમી સાંજમા સ્કાય મોલ પાસે, જાહેર રોડ રસ્તા ઉપર આવારા તત્વો દ્વારા વેપારી ને મારામારીનો બનાવ બનેલ છે. આવા ગુંડા તત્વો ને પોલીસ તંત્ર નીં કોઈ બીક જ ના હોય તેવું લાગી રહ્યું છે.
મોરબીના ઘારાસભ્ય અને ભાજપ ના પદાધિકારી નો એક ઓડિયો વાયરલ થયેલ, તેમાં મોરબી ના ધારાસભ્ય કહેતા સંભળાય છે કે ફાયરિંગ કરેલ તેમાં હું રાજી થયો અને હવે બઘા ગુંડા ભાજપ માં આવી ગયા છે. લોકો એ સમજે છે. કે આ બઘા ગુંડા ભાજપ પક્ષ ના આશીર્વાદ સાથે મોરબી માં આંતક ફેલાવે છે.ઘારાસભ્ય અને ભાજપ ઉપ પ્રમુખ ની વાત નો ઓડિયો વાયરલ થયા બાદ પટેલ શખ્સ ને આવારા, લુખ્ખા તત્વો એ રવાપર રોડ જેવાં પોશ વિસ્તારમાં ઘેર જઈને , પંદર સોળ ગુંડાઓ, ગેર કાયદેસર મંડળી રચી જાહેરમાં ઢોર માર મારેલ છે. અને દહેસત નું વાતાવરણ ઉભુ કરેલ છે,
જેમ જુગાર રમવા બાબતે પોલીસ જાતે રેડ કરે છે તેવી જ રીતે આ મારમારી ની ઘટના મા પોલીસ પોતે ફરિયાદી બની ગુનો દાખલ કરે અને આરોપીઓ વિરુદ્ધ કડક પગલાં ભરે, તેવી લોક જુબાને ચર્ચા થઈ રહી છે. ત્રણ બનાવો મા આરોપીઓ મોટી વગ ધરાવતા હોય તેમની સામે પોલીસ ફરીયાદ પણ ન થાય તેવી ધાક ધમકીઓ અપાઈ રહી છે. આ બધી ઘટનાઓ સોશિયલ મીડિયા માં વાયરલ થયેલ છે. મોરબી જીલ્લા માં ગુડા તત્વો આટલા બધા બેખોફ છે.જાણે કે કાયદા નો કોઈ ડર જ નથી તેવું લાગી રહ્યું છે.પોલીસ તંત્ર મુક પ્રેક્ષક બની ને આ બઘું જોય રહેલ હોય તેવું લાગી રહ્યું છે
મોરબી શહેર અને જીલ્લા ના પોલીસ અઘિકારીઓ રાજકીય ઓથ હોય કે ગમે તે હોય તે તમામ સામે કડક કાર્યવાહી કરવામાં આવે તેવી લોકો ની માંગ છે. ગુંડા તત્વોની રાજકીય ઓથ ના કારણે પ્રજાને બાનમાં લઇ ડરાવી રહ્યા છે. ત્યારે પોલીસ પ્રજા ની મિત્ર બની ખુદ આવા તત્વો સામે જાતે ફરિયાદી બની કાયદો વ્યવસ્થા ની પરિસ્થિતિ કડક બનાવી ને આવા લૂખા તત્વો ને કાયદા નુ ભાન કરાવવા માં આવે તેવી અમારી માંગણી છે.
જો આવારા અને ગુંડા તત્વો ને નાથવામાં નહી આવે તો હજુ આથી પણ પરિસ્થિતિ વધારે ખરાબ બનશે. અને મોરબી થી લોકો નુ પલાયન થશે માટે આ બાબતે તાત્કાલિક, કડક કાર્યવાહી કરવામાં આવે તેવી અમારી માગણી છે,
નકલ સાદર રવાના,
ગૃહમંત્રી સાહેબશ્રી, ગુજરાત રાજ્ય,
કલેક્ટર સાહેબશ્રી, મોરબી જીલ્લા, – મોરબી
ડી.આઈ.જી. રાજકોટ. વિભાગ – રાજકોટ
