*𝐇𝐄𝐋𝐋𝐎 𝐌𝐎𝐑𝐁𝐈 𝐍𝐄𝐖𝐒:માળીયા તાલુકામાં પી.એમ.પોષણ(એમ.ડી.એમ) સંચાલકો અને સસ્તા અનાજના દુકાનદારો ની ફોર્ટિફિકેશન અંગેની તાલીમનુ આયોજન કરાયું*

મોરબી:તા ૧૦ માળીયા તાલુકામાં આજ રોજ પી.એમ.પોષણ(એમ.ડી.એમ) સંચાલકો અને સસ્તા અનાજના દુકાનદારો ની ફોર્ટિફિકેશન અંગેની તાલીમનુ આયોજન કરવામાં આવેલ જેમાં મામલતદાર સાહેબશ્રી એચ.સી.પરમાર અને નાયબ મામલતદાર ( એમ.ડી.એમ ) બી.આર.ડોડીયા અને નાયબ મામલતદાર (પુરવઠા) પી.એચ.સોલંકી ના અધ્યક્ષ સ્થાને તાલીમ રાખવામાં આવેલ જેમાં શ્રી વિપુલ ઠાકર, રિજિનલ કો ઓર્ડીનેટર દ્વારા ડબલ ફોર્ટીફાઈડ નમક ,ફોર્ટીફાઈડ ચોખા અને ફોર્ટીફાઈડ તેલ વિષે વિસ્તૃત માહિતી આપી જેમાં મધ્યાહન ભોજનમાં વાપરવામાં આવતા ડબલ ફોર્ટિફાઇડ નમક માં 100 ટકા આયોડિન અને 30 થી 60 ટકા આર્યન મળે છે. દરેક સસ્તા અનાજની દુકાને N F S A કાર્ડ ધારકને માત્ર 1 રૂપિયામાં આપવામાં આવે છે. આ તાલીમ માં સ્પોટ ટેસ્ટિંગ કીટ નો ઉપયોગ કરવામાં આવેલ હતું. લોકોમાં જે ડબલ ફોર્ટિફાઇડ નમક અને ચોખા ની ગેરમાન્યતા છે કે તે દૂર કરવા અનુરોધ કરવામાં આવેલ.અને આપણા શરીરમાં ખુટતાં સુક્ષ્મ દ્રવ્યો પહોંચાડવા માટેનું એક સંપૂર્ણ અને ઉત્તમ વાહક બની શકે તેમ હોવાથી આર્યન અને આયોડીનથી જેવા પોષક તત્વો ઉમેરવામાં આવે.
ફોર્ટીફાઇડ ચોખામાં ફોર્ટીફાઇડ રાઇસ કર્નલ ઉમેરવામાં આવેલ હોય છે. જેમાં ફોલીક એસીડ, વિટામીન-બી૧૨ અને આયર્ન જેવા પોષક તત્વો હોય છે. ફોર્ટીફાઇડ ચોખાનો સંગ્રહ, તેને રાંધવાની પદ્ધતિ તેમજ સ્વાદ સામાન્ય ચોખા જેવો જ હોય છે. ફોલીક એસીડ ગર્ભમાં રહેલ શિશુના વિકાસ અને રકત ઉત્પાદનમાં મદદરૂપ આયર્ન – લોહીની શકિત વધારે છે
ફોર્ટીફાઈડ તેલમાં વિટામિન એ અને ડી હોય છે જે આપણા રોજિંદા આહારમાં ફોર્ટીફાઈડ નમક,ફોર્ટીફાઈડ ચોખા, અને ફોર્ટીફાઈડ તેલનો ઉપયોગ કરી આપણા શરીરમાં પોષક તત્વો અને વિટામિન પુરતા પ્રમાણમાં મળી રહે અને કુપોષણ દુર કરી શકાય છે અંગેની માહિતી આપી.