બાલંભા: તા ૯ (*લલિત નિમાવત દ્વારા*)સફળતા એ ગગન છે જ્યાં પહોંચવા માટે મહેનતની પાંખો જરૂરી છે” આ ઉક્તિ સિદ્ધ કરી બતાવી છે જોડિયા તાલુકાની શ્રી સરકારી ઉચ્ચતર માધ્યમિક શાળા-બાલંભા ના આચાર્યશ્રી એસ.આર. કમાણી સાહેબે.
તાજેતરમાં ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ- ગાંધીનગર દ્વારા ધોરણ-10 અને ધોરણ-12 ના પરિણામ જાહેર કરવામાં આવેલ છે જેમાં જામનગર જિલ્લાના જોડિયા તાલુકાની બાલંભા સરકારી હાઇસ્કૂલ નું ધોરણ-12 નું 100% અને ધૉરણ -10 નું 95 % પરિણામ આવેલ છે.
શાળામાં માત્ર એક જ કાયમી કર્મચારી અને ધણી બધી જવાબદારીઓ હૉવા છતા શાળાના આચાર્યશ્રી, સ્ટાફગણ અને વિદ્યાર્થીઓની તન તોડ મહેનતથી જિલ્લાની છેવાડાની સરકારી શાળા ઉત્કૃષ્ટ પરિણામ લાવી સમગ્ર ગામ તેમજ જિલ્લાનું નામ રોશન કર્યું છે.
શાળાના સમગ્ર સ્ટાફ તથા એસએમડીસીના સભ્યોએ સખત પ્રયાસોથી વાલીઓમાં તથા ગ્રામજનોમાં જાગૃતતા ફેલાવી સતત બે વર્ષથી ઝળહળતું પરિણામ લાવી “સરકારી શાળા- ઉત્તમ શાળા” સાર્થક કરી બતાવેલ છે.
