*𝐇𝐄𝐋𝐋𝐎 𝐌𝐎𝐑𝐁𝐈 𝐍𝐄𝐖𝐒: રઘુવંશી-લોહાણા સમાજનાં એક માત્ર નિકુલજી બારોટ અને તેમના પત્નિ વર્ષાબેનનો દેહદાનનો સંકલ્પ*

રઘુવંશી-લોહાણા સમાજનાં એક માત્ર નિકુલજી બારોટ અને તેમના પત્નિ વર્ષાબેનનો દેહદાનનો સંકલ્પ

મોરબી: તા. ૯ રઘુવંશી-લોહાણા સમાજના એક માત્ર બારોટજી નિકુલજી બારોટ (મો. ૯૯૧૩૬ ૭૯૩૬૯) અને તેમના પત્નિ વર્ષાબેનએ દેહદાનનો સંકલ્પ કરીને સમાજને નવો રાહ ચીંધ્યો છે.
રઘુવંશી (લોહાણા) સમાજ ના એક માત્ર બારોટ નિકુલજી અને તેમના ધર્મ પત્ની વર્ષાબેન બારોટ ના જે તે સમયે મૃત્યુ બાદ તુરંત તેમનું દેહદાન સુરેન્દ્રનગર સી. યુ.શાહ મેડિકલ કોલેજ ના વિધાર્થીઓના અભ્યાસ અર્થે અને મૃત શરીર કોઈ પણ અંગ જીવિત વિકલાંગોના ઉપયોગમાં જેમ કે આંખ, લિવર, કીડની વગેરે ઉપયોગ આવે તેવા હેતુથી અમારા પુત્ર અભિજિત બારોટ પુત્રી કોમલ, તેમજ ઉર્વશીની સહમતીથી નિષ્કામ ભાવે, અને નિસ્વાર્થ સુરેન્દ્રનગર સી.યુ. શાહ મેડિકલ કોલેજમાં અર્પણ કરવાનો સંકલ્પ કરી એ છીએ. અને સી.યુ. શાહ કોલેજ માં સંકલ્પ પત્ર અર્પણ કરેલ છે.
નંદકિશોર ( નિકુલજી ) હિંમતલાલ બારોટ, વર્ષાબેન નંદકિશોર બારોટ એ સંકલ્પપત્રમાં જણાવ્યુ છે કે મારૂ શરીર માત્ર અગ્નિમાં બાળીને રાખ બનાવી દેવા કરતાં દેહદાન દ્વારા તેમાં કાપકુપ કરીને એકાદ અંગ પણ કોઈના શરીરમં પ્રત્યારોપણ થાય અને કામ કરતું થઈ જાય તો પૃથ્વી પર મેં ભોગવેલું આયુષ્ય સફળ થયેલુ લેખાશે.
નિકુલજી બારોટ અને તેમના પત્નિ વર્ષાબેન બારોટે આ અંગેનું સંકલ્પપત્ર સી.યુ. શાહ મેડિકલ કોલેજ સુરેન્દ્રનગરના ડીન, સૌરાષ્ટ્ર મેડિકલ સેન્ટર-સુરેન્દ્રનગરના માનદ મંત્રી તથા સી.યુ. શાહ મેડિકલ કોલેજ-સુરેન્દ્રનગરના પ્રોફેસર ઓફ એનેટોમી સમક્ષ ભર્યુ છે.
“મારૂ શરીર માત્ર અગ્નિમાં બાળીને રાખ બનાવી દેવા કરતા દેહદાન દ્વારા કોઇના શરીરમાં પ્રત્યારોપણ થાય તો આયુષ્ય સફળ થાય’