*𝐇𝐄𝐋𝐋𝐎 𝐌𝐎𝐑𝐁𝐈 𝐍𝐄𝐖𝐒:મોરબીમાં નવયુગ ગ્રુપ ઓફ એજ્યુકેશનનો ત્રિદિવસીય ધમાકેદાર રંગરાત્રિ(નવરાત્રી) મહા ઉત્સવ ઉજવાયો*

*મોરબીમાં નવયુગ ગ્રુપ ઓફ એજ્યુકેશનનો ત્રિદિવસીય ધમાકેદાર રંગરાત્રિ(નવરાત્રી) મહા ઉત્સવ ઉજવાયો*

ત્રણ દિવસ સુધી રાધે પાર્ટી પ્લોટમાં ખેલૈયાઓએ માણ્યો “ટ્રેડિશનલ ગરબા, મસ્તી અને સંગમ અને ઇનામોનો વરસાદ”

મોરબી : નવયુગ ગ્રુપ ઓફ એજ્યુકેશન મોરબી દ્વારા આયોજિત ત્રણ દિવસીય રંગરાત્રિ કાર્યક્રમ રાધે પાર્ટી પ્લોટ ખાતે ભવ્ય રીતે ઉજવાયો. દરરોજ હજારોની સંખ્યામાં વિદ્યાર્થીઓ, પેરેન્ટ્સ ઉપસ્થિત રહ્યા અને એકથી એક યાદગાર પળોને જીવંત કરી ગયા.
ત્રણેય દિવસનો માહોલ એવો રહ્યો કે ખેલૈયાઓ માટે જાણે “મોરબીમાં નાનકડું યુનાઈટેડ વે ” ઊતરી આવ્યું હોય. ટ્રેડિશનલ વસ્ત્રો, ઝગમગતા આભૂષણો, ડીજેની ધમાલ ધૂન અને મોજમસ્તીથી સમગ્ર મેદાન ઝળહળી ઉઠ્યું.
*પ્રથમ રાત્રિ : પ્રેપ સેક્શન ના નાનકડા ભૂલકાઓનો નિર્દોષ આનંદ*
પ્રથમ દિવસે નવયુગ પ્રેપ સેક્શનના નાનકડા સ્ટુડન્ટ્સ તથા તેમના પેરેન્ટ્સે મસ્તીભેર ગરબે રમ્યા. નાનકડા બાળકોના નિર્દોષ ચહેરા, ટ્રેડિશનલ ડ્રેસમાં તેમના ક્યૂટ સ્ટેપ્સ અને પેરેન્ટ્સની સાથે ગરબે રમવાની મજા – પ્રેક્ષકોને આનંદથી ભરપૂર કરી ગઈ.
દરેક બાળકને ગિફ્ટ આપવામાં આવતા ખુશીના ઝરણાં ફૂટી નીકળ્યાં. એક પેરેન્ટ બોલ્યા – “બાળકોને આટલી નાની ઉમરે આ પ્રકારના કાર્યક્રમમાં સ્ટેજ મળે એ ખૂબ મોટી વાત છે. નવયુગે હંમેશા બાળકોને આત્મવિશ્વાસ આપ્યો છે.”
*બીજી રાત્રિ : કોલેજ અને સંકુલના વિધાર્થીઓનો ધમાકો*
બીજા દિવસે નવયુગ કોલેજ અને સંકુલના વિદ્યાર્થીઓએ મેદાન ધમધમતું બનાવી દીધું. સ્ટેજ પરથી ગરબા વાગતા જ ખેલૈયાઓના ટ્રેડિશનલ ડ્રેસ અને કુર્તા-પાયજામા પવનની જેમ લહેરાયા.
યુવાનોના સ્ટેપ્સમાં ટ્રેડિશનલ ટચ સાથે મોર્ડન થ્રિલ જોવા મળ્યો. મેદાનમાં એટલી મેદની ઉમટી પડી કે દર્શકોને લાગ્યું – “આ તો મોરબીનો મીની યુનાઈટેડ ગરબા છે!”
પ્રિન્સ, પ્રિન્સેસ, બેસ્ટ ડ્રેસ, બેસ્ટ એક્શન અને જેવી અનેક કેટેગરીમાં ઇનામો આપવામાં આવ્યા. ઇનામ જીતનાર ખેલૈયાઓના ચહેરા પર ખુશી છલકાતી હતી. વિદ્યાર્થીઓ એ જણાવ્યું કે “ગરબા રમવું એટલે માત્ર ડાન્સ નહીં, પણ સંસ્કૃતિનો આનંદ માણવો. આજની રાત જીવનભર યાદ રહેશે.”
*ત્રીજી રાત્રિ : ગરબા ગ્રાઉન્ડ ટૂંકું પડ્યું*
ત્રીજા દિવસે નવયુગ વિદ્યાલયના વિદ્યાર્થીઓએ એવી ધમાલ મચાવી દીધી કે ગરબા ગ્રાઉન્ડ ટૂંકું પડી ગયું. વિદ્યાર્થી-વિદ્યાર્થીનીઓ ટ્રેડિશનલ વસ્ત્રોમાં એટલા સરસ રીતે ગરબે રમ્યા કે દરેક પરફોર્મન્સ પર તાળીઓના ગડગડાટ સાથે હર્ષધ્વનિ થયો.
જજીસ ને પણ વિજેતાઓ પસંદ કરવામાં મુશ્કેલી પડી. અને બોલી ઉઠ્યા કે અમે અહીં જજમેન્ટ કરવા આવ્યા છીએ, પણ મેદાનમાં ઊતરી જ રમવા મન થઈ રહ્યું છે!”
આ રાત્રે પણ વિવિધ કેટેગરીમાં ઇનામોની વરસાદ વરસી અને ખેલૈયાઓની ખુશી દ્વિગુણી થઈ ગઈ.
*આયોજનનો ઉત્સાહ અને સંસ્થાનું ગૌરવ*
ત્રણેય દિવસના આ વિશાળ કાર્યક્રમમાં સંસ્થાના પ્રમુખશ્રી પી.ડી. કાંજીયા તથા રંજનબેન કાંજીયા ઉપસ્થિત રહ્યા હતા. તેમનો સતત ઉત્સાહ અને માર્ગદર્શન ખેલૈયાઓ માટે પ્રેરણારૂપ સાબિત થયો.
ઉપરાંત તમામ વિભાગ વડાઓ, શિક્ષકો અને નવયુગ ના તમામ કર્મચારીઓ એ કાર્યક્રમને સફળ બનાવવા દિલથી મહેનત કરી. અને પ્રમુખશ્રી કાંજીયા સાહેબે જણાવ્યું હતું કે “વિદ્યાર્થીઓના ચહેરા પર ખુશી અને આત્મવિશ્વાસ જોવા મળ્યો. એ જ અમારો સફળ કાર્યક્રમ છે.”
નવયુગ ગ્રુપ ઓફ એજ્યુકેશનની આ રંગરાત્રિ માત્ર ગરબા કાર્યક્રમ ન રહી, પરંતુ વિધાર્થીઓમાં સંસ્કૃતિ, ઉમંગ અને એકતાનો અનોખો ઉત્સવ બની રહી.