*શ્રી સાંઈ જોડિયા ખાતે જિલ્લા કક્ષાની કુરાશ સ્પર્ધા યોજાઈ*
જામનગર:(*શરદ રાવલ હરિયાણા દ્વારા*) અખિલ ભારતીય શાળાકીય મહોત્સવ અંતર્ગત જામનગર જિલ્લા કક્ષાની કુરાશ સ્પર્ધાનું આયોજન શ્રી સાંઈ વિદ્યા સંકુલ, જોડિયા ખાતે તા. ૧૩/૦૯/૨૦૨૫ના રોજ કરવામાં આવ્યું હતું.
જામનગર જિલ્લાના કન્વીનર શ્રી જગદીશ વિરમગામા દ્વારા સમગ્ર સ્પર્ધાનું આયોજન સુચારૂ રીતે કરવામાં આવ્યું હતું. આ સ્પર્ધામાં કુરાશ એસોસિએશન ઓફ ગુજરાતના પ્રતિનિધિ પણ ઉપસ્થિત રહ્યા હતા અને તેમના માર્ગદર્શન હેઠળ નિયમો અનુસાર ટેક્નિકલ રીતે રમતનું સંચાલન કરવામાં આવ્યું હતું.
આ સ્પર્ધામાં જામનગર જિલ્લાના વિવિધ શાળાઓના ખેલાડીઓએ ઉત્સાહભેર ભાગ લીધો હતો. ખેલાડીઓએ રમતગમતની ભાવના સાથે પોતાની કુશળતાનું પ્રદર્શન કર્યું હતું. સ્પર્ધાના અંતે વિજેતા ખેલાડીઓને સન્માનિત કરવામાં આવ્યા હતા. આ મહોત્સવથી ખેલાડીઓને પ્રોત્સાહન મળ્યું અને તેમની પ્રતિભાને વધુ નિખારવાની તક મળી.
