*𝐇𝐄𝐋𝐋𝐎 𝐌𝐎𝐑𝐁𝐈 𝐍𝐄𝐖𝐒:મોરબી જિલ્લામાં એક જ વર્ષમાં સીતાવીસ હજાર સાતસો નવા બાઇક અને દસ હજાર નવી કાર વેચાણી*

મોરબી: તા ૯ મોરબી જિલ્લાના લોકોનો નવા વાહનો ખરીદવાનો ક્રેઝ અકબંધ રહ્યો છે. આર્થિક રીતે સમૃદ્ધ ગણાતા મોરબી જિલ્લામાં લોકોએ ટુ-વ્હીલર, કાર અને કોમર્શિયલ વાહનોની ધૂમ ખરીદી કરી છે. વાહનોના આ મોટા વેચાણને કારણે મોરબી પ્રાદેશિક વાહન વ્યવહાર કચેરી આરટીઓ ની આવકમાં પણ ધરખમ વધારો નોંધાયો છે. પ્રાપ્ત આંકડાઓ અનુસાર, મોરબી જિલ્લામાં કુલ ૪૬૨૪૩ નવા વાહનોનું રજિસ્ટ્રેશન થયું છે.
આરટીઓ દ્વારા વાહન રજિસ્ટ્રેશન અંગે જાહેર કરાયેલા સત્તાવાર આંકડાઓ મુજબ, મોરબીમાં સૌથી વધુ ડિમાન્ડ ટુ-વ્હીલર અને કારની જોવા મળી છે.
જિલ્લામાં કુલ ૨૭૭૩૪ નવા મોટરસાયકલ અને સ્કૂટરનું રજિસ્ટ્રેશન કરવામાં આવ્યું છે. જ્યારે ૧૦૦૫૯ નવી મોટર કાર નોંધાઈ છે. આ ઉપરાંત ખેતી અને ઉદ્યોગ જગતમાં પણ નવા વાહનોનો ઉમેરો થયો છે, જેમાં ૨૪૬૨ નવા કૃષિ ટ્રેક્ટર અને ૨૪૪૩ ગુડ્સ કેરિયર (માલવાહક વાહનો) નોંધાયા છે. લોકોની મુસાફરી માટેના ૧૪૫૭ પેસેન્જર થ્રી-વ્હીલર અને માલસામાન હેરફેર માટેના ૪૨૭ થ્રી-વ્હીલર રજિસ્ટર થયા છે. તેમજ બાંધકામ ક્ષેત્રે ૩૧૪ કન્સ્ટ્રક્શન ઈક્વિપમેન્ટ વાહનો અને ૨૧૩ કોમર્શિયલ ટ્રેક્ટરનું પણ રજિસ્ટ્રેશન થયું છે.
વાહનોની આટલી મોટી સંખ્યામાં થયેલી ખરીદીનો સીધો ફાયદો સરકાર અને આરટીઓ ની તિજોરીને થયો છે. આવકના આંકડા પર નજર કરીએ તો, વર્ષ ૨૦૨૪-૨૫ માં મોરબી આરટીઓ ઓફિસની કુલ આવક ૧૨૨.૪૨ કરોડ રૂપિયા હતી, જે વર્ષ ૨૦૨૫-૨૬ માં વધીને ૧૩૧.૦૫ કરોડ રૂપિયા થઈ ગઈ છે.
આ આવકમાં સૌથી મોટો હિસ્સો ઓનલાઇન કામગીરીનો રહ્યો છે. આંકડા મુજબ, વર્ષ ૨૦૨૫-૨૬માં ઓનલાઇન આવક ૧૨૦.૪૬ કરોડ નોંધાઈ છે, જે વર્ષ ૨૦૨૪-૨૫ માં ૧૧૦ કરોડ રૂપિયા હતી. બીજી તરફ ઓફલાઇન કેસ અંગેના આંકડા જોઈએ તો વર્ષ ૨૦૨૪-૨૫ માં ૧૩.૪૨ કરોડ નોંધાયા હતા જે વર્ષ ૨૦૨૫-૨૬ માં ૧૦.૫૮ કરોડ દર્શાવવામાં આવ્યા છે. મોરબી જિલ્લામાં નવા વાહનોની ખરીદી અને આરટીઓ માં ભરાતા ટેક્સના આંકડા જિલ્લાની આર્થિક મેઓનો ચિતાર આપે છે.
એમ-સાયકલ/સ્કૂટર: 27734

અડેપટેડ વ્હીકલ: 1
મોટર કાર: 10059
ફોર્ક લિફ્ટ: 55
ક્રેન માઉન્ટેડ વ્હીકલ: 4 એગ્રીકલ્ચર ટ્રેક્ટર: 2462

પ્રાઇવેટ સર્વિસ વ્હીકલ (વ્યક્તિગત ઉપયોગ): 3

કન્સ્ટ્રક્શન ઇક્વિપમેન્ટ વ્હીકલ: 314

ઓમ્રી બસ (ખાનગી ઉપયોગ): 1

એક્સકેવેટર (NT): 1
હાર્વેસ્ટર: 14
ટ્રેલર (એગ્રીકલ્ચરલ): 38
ઈ-રિક્ષા કાર્ટ સાથે (G): 20
ઈ-રિક્ષા (P): 11
થ્રી વ્હીલર (પેસેન્જર): 1457
થ્રી વ્હીલર (ગુડ્સ): 427
♦ એમ-સાયકલ/સ્કૂટર: 27734 વ્હીકલ: 1
મોટર કાર: 10059
ફોર્ક લિફ્ટ: 55
ક્રેન માઉન્ટેડ વ્હીકલ: 4
એગ્રીકલ્ચર ટ્રેક્ટર: 2462
પ્રાઇવેટ સર્વિસ વ્હીકલ (વ્યક્તિગત ઉપયોગ): 3
કન્સ્ટ્રક્શન ઇક્વિપમેન્ટ વ્હીકલ: 314
ઓમ્રી બસ (ખાનગી ઉપયોગ): 1
એક્સકેવેટર (NT): 1
હાર્વેસ્ટર: 14
ટ્રેલર (એગ્રીકલ્ચરલ): 38

ઈ-રિક્ષા કાર્ટ સાથે (G): 20
ઈ-રિક્ષા (P): 11
થ્રી વ્હીલર (પેસેન્જર): 1457
થ્રી વ્હીલર (ગુડ્સ): 427