મોરબી:તા ૧૬ ગુજરાત ગેસ લિમિટેડ સાથે યોજાયેલ મહત્વપૂર્ણ મીટિંગ અંગે આભાર વ્યક્ત કરવા બાબત
આદરણીય સભ્યશ્રી,
જય ભારત,
આપને જણાવવાનું કે, આજ રોજ ગાંધીનગર ખાતે ગુજરાત ગેસ લિમિટેડના મેનેજિંગ ડિરેક્ટર શ્રીમતી અવંતિકા મેડમ તથા અન્ય ઉચ્ચ અધિકારીઓ સાથે મોરબી સિરામિક મેન્યુફેક્ચરર્સ એસોસિયેશનના પ્રમુખ શ્રી મનોજભાઈ એરવાડીયા, નિલેષ જેતપરીયા, પરેશભાઈ કુંડારીયા, ગૌતમભાઈ કાંજીયા સહિતના હોદ્દેદારોની હાજરીમાં એક મહત્વપૂર્ણ મીટિંગ યોજાઈ હતી.
મીટિંગમાં આવનારા સમયમાં સિરામિક ઉદ્યોગને ફરીથી ધમધમતો બનાવવા માટે વિવિધ મુદ્દાઓ અંગે વિસ્તૃત ચર્ચા કરવામાં આવી અને ધારદાર રજૂઆત કરવામાં આવી હતી. આંતરરાષ્ટ્રીય બજારમાં ગેસની વિપરીત પરિસ્થિતિ હોવા છતાં પણ ઉદ્યોગોને પરવડે તેવા ભાવે ગેસ સપ્લાય કરવા બાબતે સહમતિ સધાઈ હતી.
આ મહત્વપૂર્ણ નિર્ણય માટે અમે મોરબી સિરામિક મેન્યુફેક્ચરર્સ એસોસિયેશન વતી શ્રીમતી અવંતિકા મેડમ તથા ગુજરાત ગેસ લિમિટેડના તમામ ઉચ્ચ અધિકારીઓનો હૃદયપૂર્વક આભાર વ્યક્ત કરીએ છીએ.
આભાર સહ,
મનોજભાઈ એરવાડીયા
પ્રમુખ
મોરબી સિરામિક મેન્યુફેક્ચરર્સ એસોસિયેશન
