વાંકાનેર નગરપાલિકામાં છેલ્લા બે દાયકાથી વધારે શાસન ચલાવનાર ભાજપ અગ્રણી જીતેન્દ્રભાઈ કાંતિભાઈ સોમાણી 60 વર્ષની ઉંમર અને ત્રણ ટર્મ રહ્યા હોય તેવા નેતાને ટિકિટ નહીં આપવાના ભાજપના નવા નિયમો ઉકેલ શોધી કાઢી બન્ને નિયમ હેઠળ આવતા હોવા છતાં આજે ભાજપના ઉમેદવારનું ફોર્મ રદ થતા ડમી ઉમેદવાર તરીકે જીતુભાઈ સોમાણી ચૂંટણી મેદાનમાં જંગમાં આવી ગયા છે.
આજેરોજ ઉમેદવારીપત્રોની ચકાસણી સમયે વાંકાનેર પાલિકાના વોર્ડ નંબર ૩ના ભાજપના ઉમેદવાર જગદીશભાઈ મણિલાલ રાજવીરનું ફોર્મમાં ક્ષતિ હોય ચૂંટણી અધિકારી દ્વારા આ ભૂલ સુધારવા તક આપવામાં આવી હતી પરંતુ ઉમેદવાર હાજર ન રહેતા અંતે ભાજપના સત્તાવાર ઉમેદવારનું ફોર્મ અમાન્ય ગણાવી જીતુભાઈ સોમાણીનું ડમી ઉમેદવાર તરીકેનું ફોર્મ માન્ય કરવામાં આવ્યું હતું.
