મોરબી : મોરબીના બેલા ગામેં આઈવેલ કંપનીની બાજુમા ખોખરા હનુમાનની નજીક પાણીની ટાંકીમા ડુબી જવાથી બાળકીનું કરુણ મોત નીપજ્યું હતું. મોરબી તાલુકા પોલીસે આ બનાવની નોંધ કરીને આગળની તપાસ હાથ ધરી છે. આ બનાવની મોરબી તાલુકા પોલીસ સ્ટેશનેથી પ્રાપ્ત વિગતો અનુસાર મોરબીના બેલા ગામ પસંદ આઈવેલ કંપનીની બાજુમા ખોખરા હનુમાનની નજીક રહેતા શ્રમિક પરિવારની પુત્રી શીતલબેન દીલુભાઈ બીલવાન (ઉ.વ. ૮) નામની બાળકી ગઈકાલે તા.૮ ના રોજ બેલા ગામ પાસે આઈવેલ કંપનીની બાજુમા ખોખરા હનુમાનની નજીક કોઈ કારણસર પાણીની ટાંકીમા પડી જતા તેણીનું ડુબી જવાથી મોત નીપજ્યું હતું. બાદમાં હતભાગી બાળકીનો મૃતદેહ પીએમ અર્થે મોરબીની સિવિલ હોસ્પિટલમાં ખસેડાયો હતો. તાલુકા પોલીસે આ બનાવની નોંધ કરી વધુ તપાસ હાથ ધરી છે.
