મોરબી તા ૧૨ તાજેતરમાં જ મોટીવેશનલ સ્પીકર વિવેક બિન્દ્રાએ સોશ્યલ મીડિયામાં કરેલી વાયરલ પોસ્ટથી વિવાદ સર્જાયો છે જેમાં તેઓએ મોરબીની હલકી ટાઈલ્સ એવો શબ્દ નો પ્રયોગ કરતા જોવા મળીયો છે જેનો આક્રોશ સાથે મોરબી સિરામિક એસો દ્વારા વિરોધ નોંધાવી પોસ્ટ તુરંત હટાવવા બુલંદ માંગ કરવામાં આવી છે અને કાયદાકીય રીતે એક્શન લેવાની પણ એસોસિએશન દ્વારા તૈયારી દર્શાવવામાં આવી છે
મોટીવેશનલ સ્પીકર વિવેક બિન્દ્રાએ સોશ્યલ મીડિયામાં વિડીયો વાયરલ કર્યો હતો જેમાં તેઓ જણાવે છે કે બિલ્ડર સેમ્પલ ફ્લેટ તૈયાર કરે તેમાં ઈટાલીયન મારબલ બતાવે છે અને જયારે વેપાર વેચાણ માટેના ફ્લેટમાં મોરબીની હલકી ટાઈલ્સ લગાવે છે જેવા શબ્દો થી મોરબી સિરામિક એસોસિએશન માં આક્રોશ જોવા મળ્યો છે અને સિરામિક એસોસીએશન ના પ્રમુખ મુકેશભાઈ કુંડારિયા જણાવ્યું છે કે મોરબીમાં કેટલી અને કેવી ટાઈલ્સ બને છે તેની ક્વોલીટી કેવી છે તેની વિવેક બિન્દ્રાએ માહિતી મેળવવી જોઈએ આજે મોરબીની ટાઈલ્સ 180 દેશમાં એક્સપોર્ટ થાય છે અને ભારતનું 95 ટકા ટાઈલ્સ ઉત્પાદન મોરબીમાં થાય છે મોરબીમાં ઇટાલિયન મારબલ જેવી તમામ ટાઈલ્સ બને છે જેથી તેઓએ થોડો અભ્યાસ કરવો જોઈએ
વધુમાં જણાવ્યું છે કે આ 180 દેશમાં મોરબીથી 16 હજાર કરોડનું એક્સપોર્ટ કરવામાં આવે છે વિવેક બિન્દ્રાએ અગાઉ પણ આવી પોસ્ટ કરી છે તેઓએ અભ્યાસ કરી લેવો જોઈએ અને આ પોસ્ટ તુરંત ડીલીટ કરવા માંગ કરવામાં આવી છે તેમજ એસોસીએશન તરફથી લીગલ એક્શન લેવાની પણ તૈયારી બતાવી છે
