તાલુકા પોલીસની કાર્યવાહી : રૂ. 68 હજારનો મુદ્દામાલ કબ્જે
મોરબી : મોરબી તાલુકા પોલીસ દ્વારા મોરબી તાલુકાના બંધુનગર ગામ પાસે, તુલશી પેટ્રોલપંપની બાજુમાં, તુલશી કોમ્પલેક્ષ, ભક્તિ રોડ લાઇન્સ લખેલ શ્રીરામ ટ્રાન્સપોર્ટની ઓફીસમાં જુગાર રમતા પાંચ ઇસમોને પકડી પાડવામાં આવ્યા છે.
મોરબી તાલુકાના બંધુનગર ગામ પાસે તુલશી પેટ્રોલપંપની બાજુમાં તુલશી કોમ્પલેક્ષ ભક્તિ રોડ લાઇન્સ લખેલ દિપકભાઇ પ્રમોદભાઇ શિવપુરાની શ્રીરામ ટ્રાન્સપોર્ટની ઓફીસમાં જુગાર રમતા ઇસમો પર પોલીસે રેઇડ કરી હતી. રેઇડ દરમિયાન પાંચ ઇસમોને કુલ રૂ. 68,000ના મુદ્દામાલ સાથે પકડી પાડી જુગારધારા મુજબનો ગુન્હો રજી. કરી કાયદેસર કાર્યવાહી કરવામાં આવેલ છે.
આ કેસમાં દિપકભાઇ પ્રમોદભાઇ શિવપુરા, ઠાકરશીભાઇ ગોપાલભાઇ સોલંકી, ક્રિપાલભાઇ ગંભીરદાન બારહટ, કાસીફભાઇ મહમદગુલાબ શેખ અને કરશનભાઇ લાલાભાઇ મુંધવાની અટકાયત કરવામાં આવી છે.
