યંગ ઇન્ડિયા ગ્રુપ અને પાટીદાર કોવિડ સેન્ટરને ધનરાશિ અર્પણ
મોરબી : મોરબીના જાણીતા સમાજ સેવક અને જિલ્લા પંચાયત સદસ્ય અજયભાઈ લોરીયાએ આજે યંગ ઇન્ડિયા ગ્રુપ અને પાટીદાર સમાજ સંચાલિત કોવિડ કેર સેન્ટરને અનુક્રમે 51-51 હજારની ધનરાશિ અર્પણ કરી છે.
મોરબીમાં સમાજ સેવા ક્ષેત્રે અગ્રેસર રહેતા જિલ્લા પંચાયત સદસ્ય અજયભાઈ લોરીયા દ્વારા કોરોના મહામારી વચ્ચે સતત માસ્ક, સેનેટાઈઝર વિતરણ કરવાની સાથે પોતાની ટીમ કામે લગાડી લોકોને રેમડેસીવીર ઇન્જેક્શન મળી રહી તે માટે સેવાયજ્ઞ ચલાવવાની સાથે સિવિલ હોસ્પિટલમાં ઓક્સિજન પુરવઠા માટે સ્વ ખર્ચે માણસો મુકીની અનોખી સેવા કરી રહ્યા છે. દરમિયાન આજે અજયભાઈ લોરિયાએ જિલ્લા વહીવટી તંત્રના સહયોગથી આદર્શ નિવાસી શાળા ખાતે યંગ ઇન્ડિયા ગ્રુપ દ્વારા સંચાલિત કોવિડ કેર સેન્ટર અને પાટીદાર કોવિડ સેન્ટર જોધપર નદી કોવિડ કેર સેન્ટરને અનુક્રમે રૂપિયા 51-51 હજારની ધનરાશિ અર્પણ કરી સમાજ સેવાનું વધુ એક ઉદાહરણ પૂરું પાડ્યું છે.
