ટંકારા: ટંકારાની પ્રજાનું એસટી બસ સ્ટેન્ડનું સ્વપ્ન ટૂંક સમયમાં સાકાર થશે ટંકારા માં વીશેક વર્ષથી એસટી બસનું સ્ટેન્ડ નો પ્રશ્ન હતો અનેક વખત ચૂંટણીમાં આ મુદ્દો ચર્ચાયો હતો.
મુસાફરો કડકડતી ઠંડીમાં ઠરે છે, ઉનાળા માં તડકે શેકાય છે, તથા વરસાદ માં પલળે છે, પીવાના પાણીની અને યુરીનલ ની સુવિધા નથી. વર્ષોથી ટંકારા તાલુકાના મુસાફરો મુશ્કેલીઓ , તકલીફો સહન કરતા આવેલા છે.આ યાતનાઓ નો આવર્ષે અંત આવશે.
ચાલુ વર્ષે એસટી બસ સ્ટેશન માટે જમીન ફાળવણી તથા ગ્રાન્ટને ફાળવણી કરવામાં આવતા એસટી બસ સ્ટેન્ડનો બાંધકામ શરૂ થયેલ જે હવે પૂર્ણતાને આરે છે. ટંકારાની પ્રજાને સર્વિસ રોડ ઉપર જ બસ સ્ટેન્ડ ની સુવિધા મળશે.
એસ.ટી.બસ સ્ટેન્ડમાં પાંચ પ્લેટફોર્મ બનાવવાં માં આવેલ છે. કેન્ટીન, પૂછપરછ બારી ,પાર્સલ ઓફિસ, વિદ્યાર્થીઓ ને પાસ કાઢી આપવાની સુવિદ્યા ત્રણ સ્ટોલ, સંડાસ, યુરીનલ સહિતની સુવિધા મળશે..
આ બસ સ્ટેન્ડનું ઉદ્ઘાટન ચાલુ વર્ષમાં કરાશે.
