મોરબી તા ૨૯ : મોરબી તાલુકા પોલીસે વાંકાનેર – મોરબી હાઇવે ઉપરથી બાતમીને આધારે હોન્ડા અમેજ કારમાંથી દારૂ બિયરના જથ્થા સાથે ત્રણ શખ્સોને ઝડપી લઈ પ્રોહીબિશન એકટ મુજબ કાર્યવાહી હાથ ધરી પાંચેક લાખથી વધુનો મુદ્દામાલ કબ્જે કર્યો હતો.
મોરબી તાલુકા પોલીસે બાતમીને આધારે વાંકાનેર મોરબી હાઇવે ઉપર લાલપર નજીક ઓનેસ્ટ હોટલ પાસેથી હોન્ડા અમેજ કાર અટકાવી તલાશી લેતા આરોપી કીશનભાઈ નરોતમભાઈ દુધરેજીયા, રહે. ગારીયા, કીશનભાઈ ઉર્ફે વિજય જીવરાજભાઈ મેર, રહે. જોધપર અને વિશાલભાઈ મંછારામભાઈ ગોંડલીયા રહે. ગારીયા તા-વાંકાનેર વાળાના કબ્જામાંથી મેકડોવેલ્સ નં.1 વ્હિસ્કીની બોટલ નંગ-60 કિંમત રૂપિયા 22,500 તથા કિંગફીશર સ્ટ્રોંગ પ્રીમીયમ બીયરના ટીન નંગ-48 કિંમત રૂપિયા 4800 મળી આવતા ગુન્હાના કામે ઉપયોગમાં લીધેલ કાર કિંમત રૂપિયા 5,00,000 સહિત કુલ રૂપિયા 5,27,300નો મુદ્દામાલ કબ્જે કરી ત્રણેય આરોપીઓ તેમજ તપાસમાં જે ખુલે તે તમામ સામે પ્રોહીબિશન એકટ મુજબ કાર્યવાહી હાથ ધરી હતી.
