મોરબી તા ૩૦ આથી મોરબી જીલ્લાના મોટરીંગ પબ્લિકને જણાવવાનું કે રાજય સરકાર દ્વારા વર્ષ 2019 થી આધારકાર્ડથી ઓથોનટીકેશન કર્યા બાદ ફેસલેસ અરજી કરવાથી લોકોને ઘેર બેઠા આરટીઓને લગતી સેવાનો લાભ મળે તે માટે વ્યવસ્થા કરેલ છે. જેમાં વાહનને લગતી કામગીરીમાં વાહન માલિકી તબદીલી, લોન ચડાવી કે કેન્સલ કરવી, સરનામુ ચેન્જ કરવુ, ડુપ્લિકેટ આર.સી. બુક મેળવવી તેમજ ડ્રાયવિંગ લાયસન્સને લગતી કામગીરીમાં લાયસન્સ રીન્યુલ, એડ્રેસ ચેન્જ, ડુપ્લિકેટ લાયસન્સ, નામમાં સુધારો વધારો, નવા કલાસનો ઉમેરો કરવો જેવી સેવાઓ ફેસલેસ તરીકે આપવામાં આવા છે. જે અન્વયે મોરબી આરટીઓ કચેરી ખાતે 2024ના છેલ્લા આઠ મહિનામાં વાહનને લગતી સેવાઓમાં 7207 અને ડ્રાયવિંગ લાયસન્સને લગતી સેવાઓમાં 10772 મળીને કુલ 17979 લોકોએ કચેરીએ આવ્યા વિના ફેસલેસ સેવાઓનો લાભ મેળવેલ છે. વધુમાં આ સેવાઓનો લાભ લેવા https://perivahan.gov.in/parivahan/ વેબ સાઈટ ની મુલાકાત લેવા મોરબી એઆરટીઓ કચેરી દ્વારા અનુરોધ કરાયો છે
:
