ડીસામાં જન્મદિવસ નિમિતે પૂજ્ય જલારામ બાપાના ભજનની જામી રમઝટ
છેલ્લા 80 મહિનાથી ડીસા નગરમાં શ્રી જલારામ ગૌ સત્સંગ મંડળ ડીસા દ્રારા ગૌસેવા હેતુ દર ગુરૂવારે વિવિધ પરિવારોમાં પૂજ્ય જલારામ બાપાનાં ભજન થાય છે.ગત ગુરૂવારે કુમારી ફેની સતીષભાઈ પટેલના જન્મદિવસ નિમિતે એમના નિવાસસ્થાને પૂજ્ય જલારામ બાપાનાં ભજન હોવાથી ખૂબ જ મોટી સંખ્યામાં ભાવિક ભક્તો પધાર્યા હતા અને ભજનોની રમઝટ જામી હતી.
ભજન સંચાલક ભગવાનભાઈ બંધુએ ગૌસેવાની અપીલ કરતાં અંદાજે રૂપિયા 112000 (એક લાખ બાર હજાર) જેટલી ગૌસેવા એકત્ર થઇ હતી.આગામી ગુરૂવારનાં ભજન નરેન્દ્રભાઇ હુકમાજી ચૌધરી પરિવારને ત્યાં જાહેર થયાં હતાં.કુમારી ફેની પટેલનો જન્મદિન હોવાથી વાજતેગાજતે તેના ઉપર ફૂલવર્ષા કરી સન્માન સહ શુભેચ્છાઓ પાઠવવામાં આવી હતી.
પરિવારના સભ્યો સર્વ જયંતીલાલ પટેલ, પુષ્પાબેન, સતીષભાઈ,સુરેખાબેન, પ્રદીપભાઈ, અંકિતાબેન સહિત સૌનું પૂજ્ય જલારામ બાપાના મોમેન્ટો દ્રારા સન્માન કરવામાં આવ્યું હતું.સમગ્ર કાર્યક્રમનું યુ ટ્યુબ જીવંત પ્રસારણ આનંદભાઈ પી ઠક્કર દ્રારા કરવામાં આવ્યું હતું.
