*𝐇𝐄𝐋𝐋𝐎 𝐌𝐎𝐑𝐁𝐈 𝐍𝐄𝐖𝐒:અખિલ ગુજરાત કચ્છ વાગડ લોહાણા મહાજન તેમજ મહિલા મંડળના હોદ્દેદારોએ જલારામ મંદિર ડીસા ખાતે દર્શન કરી આશીર્વાદ લીધા*

અખિલ ગુજરાત કચ્છ વાગડ લોહાણા મહાજન તેમજ મહિલા મંડળના હોદ્દેદારોએ જલારામ મંદિર ડીસા ખાતે દર્શન કરી આશીર્વાદ લીધા
અખિલ ગુજરાત કચ્છ વાગડ લોહાણા મહાજનના માર્ગદર્શનથી અખિલ ગુજરાત કચ્છ વાગડ લોહાણા મહિલા મંડળ દ્વારા ડીસા ખાતે પરિવાર સેતુ અને કિવઝ કોમ્પિટિશન કાર્યક્રમ રાખવામાં આવ્યો હતો.આ નિમિત્તે સમગ્ર ગુજરાત અને ભારતમાંથી કચ્છ વાગડ લોહાણા સમાજના આગેવાનો, હોદેદારો, પ્રતિનિધિઓ ડીસા કચ્છ વાગડ લોહાણા મહાજન વાડી ખાતે પધાર્યા હતા.
કાર્યક્રમ પહેલાં અખિલ કચ્છ વાગડ લોહાણા મહાજનના પ્રમુખ બાબુભાઈ એસ.પૂજારા-વકીલ, મહિલા મંડળનાં પ્રમુખ રશ્મિબેન સહાયતા(સુરત), મહામંત્રીઓ હેતલબેન સોમેશ્વર (મુંબઈ),જીગીશાબેન રાચ્છ (ડીસા), કીન્જલબેન સાયતા (ગાંધીધામ), મંત્રી રૂપલબેન રતાણી (ડીસા), પ્રવિણાબેન ઠકકર (ગાંધીધામ)સહિત તમામ હોદ્દેદારોએ જલારામ મંદિર ડીસા ખાતે પૂજ્ય જલારામ બાપાનાં દર્શન કરી આશીર્વાદ લીધા હતા.
જલારામ મંદિર ડીસાના ટ્રસ્ટીઓ સર્વ કનુભાઈ આચાર્ય, ભગવાનભાઈ બંધુ, તારાચંદભાઈ મજેઠીયા તેમજ ડીસા કચ્છ વાગડ લોહાણા મહાજનના પ્રમુખ કીર્તિભાઈ આચાર્ય,ભારત વિકાસ પરિષદ મહાવિજય શાખાના પ્રમુખ કમલેશભાઈ રાચ્છ, લોહાણા ન્યૂઝના તંત્રી આનંદભાઈ પી ઠક્કર, અગ્રણીઓ દીલીપભાઈ રતાણી,બીપીનભાઈ પી ઠકકર, હિતેશભાઈ સોનપાલ સહિત સૌએ સાથે મળીને તમામ હોદ્દેદારોનું કંકુતિલક, ફૂલછડી, જલારામ દર્શન ગ્રંથથી ઉમળકાભેર સન્માન કર્યું હતું.
આ પ્રેરણાદાયી અવસરે ડીસા વાગડ લોહાણા સમાજ મહિલા મંડળનાં પ્રમુખ સરોજબેન રતાણી, ઈન્ટરનેશનલ લોહાણા મહિલા મંડળ ડીસાનાં પ્રમુખ બીનાબેન ઠકકર, વાગડ લોહાણા સમાજ મહિલા અગ્રણીઓ શીતલબેન ઠક્કર, સોનલબેન ઠક્કર સહિત સૌએ ખાસ ઉપસ્થિત રહી, સૌને સન્માનિત કરી, અભિનંદન આપી, સમગ્ર કાર્યક્રમની શુભેચ્છાઓ પાઠવી હતી.
પૂજ્ય જલારામ બાપાનાં દર્શન તેમજ સ્વાગત સન્માન બદલ સૌ હોદેદારોએ અત્યંત રાજીપો વ્યક્ત કર્યો હતો.જલારામ મંદિર ડીસા દ્રારા છેલ્લા ત્રણ વર્ષથી સમગ્ર સનાતન હિંદુ સમાજની અનેકવિધ સંસ્થાઓના હોદેદારોને સ્નેહપૂર્વક સન્માનિત કરી સનાતન એકતા સેતુ તરીકેનું ખૂબ જ મહત્વપૂર્ણ કાર્ય થઈ રહેલ છે.સમગ્ર કાર્યક્રમનું સમયબધ્ધ આયોજન અને સંચાલન ભગવાનભાઈ બંધુએ કર્યું હતું.