મોરબી:તા ૯ રાજ્ય સરકારના “સ્વચ્છ ગુજરાત, પ્લાસ્ટિક ફ્રી ગુજરાત” અભિયાનને સફળ બનાવવા મોરબી મહાનગરપાલિકા દ્વારા આયોજિત પ્લાસ્ટિક વેસ્ટ કલેક્શન ઝુંબેશ અંતર્ગત આજે વોર્ડ નં. 9 વિસ્તારના હિરાસર રોડ પર સફાઈ અભિયાન હાથ ધરવામાં આવ્યું.
આ પ્રસંગે વોર્ડ નં. 9ના કોર્પોરેટર શ્રી નવનિતભાઈ ભુદરભાઈ કુંડારિયા, શ્રી હિરેનભાઈ પરબતભાઈ કરોતરા, શ્રીમતી ભગવતીબેન મહેશભાઈ કુંડારિયા તથા શ્રીમતી નૂતનબેન હરસુખભાઈ વિડજા સહિત વોર્ડ નં.9ના કાર્યકર્તાઓ આ સફાઈ અભિયાનમાં સહભાગી બની જનજાગૃતિનો સંદેશ આપ્યો.
સ્વચ્છ અને પ્લાસ્ટિક મુક્ત મોરબીના નિર્માણ માટે મહાનગરપાલિકાની ટીમ, સફાઈ કર્મચારીઓ તથા સ્થાનિક નાગરિકોએ ઉત્સાહપૂર્વક સહયોગ આપ્યો.
ચાલો, આપણે સૌ મળીને સ્વચ્છ, સુંદર અને પ્લાસ્ટિક મુક્ત મોરબીના નિર્માણમાં યોગદાન આપીએ.
