શરદ એમ.રાવલ.. હડિયાણા..
આજરોજ જામનગર જિલ્લાના જોડિયા તાલુકાની શ્રીજામદુધઈ તાલુકા શાળામાં શ્રી એમ.ડી. મહેતા જિલ્લા વિજ્ઞાન કેન્દ્ર ધ્રોલ દ્વારા ” બાળ ઊર્જા રક્ષક દળ કાર્યક્રમ 2021/22 ” નું સુંદર આયોજન કરવામાં આવ્યું. જેમાં વિજ્ઞાન કેન્દ્રના સાહેબશ્રી પંકજભાઈ ડાંગર દ્વારા શ્રીજામદુધઈ તાલુકા શાળાના ધોરણ 5 થી 8 ના વિદ્યાર્થીઓને વિજ્ઞાનના અભ્યાસિક પ્રયોગો ખૂબ જ સરસ અને સરળ રીતે સમજાવવામાં આવ્યા હતા. તેમ જ “રમતા રમતા શીખીએ ” કાર્યક્રમ અંતર્ગત સાહેબશ્રી દ્વારા તમામ વિદ્યાર્થીઓને વૈજ્ઞાનિક રમતો રમાડીને ગમ્મત સાથે જ્ઞાન આપવાનું કાર્ય ખૂબ જ આગવી શૈલીમાં કરવામાં આવ્યું હતું. આ કાર્યક્રમની સફળતા કાર્યક્રમમાં સહભાગી થયેલ તમામ વિદ્યાર્થીઓના જ્ઞાનથી પ્રફુલ્લિત ચહેરા પર સ્પષ્ટ જોઈ શકાતી હતી. સમગ્ર કાર્યક્રમને સફળ બનાવવામાં શ્રીજામદુધઈ તાલુકા શાળાના આચાર્યશ્રી અને તમામ શિક્ષકશ્રીઓ એ જહેમત ઊઠાવી હતી તેમ જ શાળાના ધોરણ 1 થી 8 તમામ 125 વિદ્યાર્થીઓ માટે ભોજનની વ્યવસ્થા પણ શાળા પરિવાર દ્વારા કરવામાં આવી હતી…..
