વર્તમાન સમયમાં ચારે બાજુ લમ્પી વાયરસથી ગૌમાતાઓ ભારે પરેશાન થઈ રહી છે ત્યારે ખૂબ જ મોટી સંખ્યામાં ગાયો ધરાવતી અને મોટા દેવા હેઠળ દબાયેલી ટેટોડા ગૌશાળાને તાત્કાલિક રૂપિયા પાંચ કરોડની જરૂરિયાત છે.ટેટોડા ગૌશાળાને બચાવી લેવા માટે રૂપિયા એક લાખના 501 દાતાઓ વહારે આવે તે જરૂરી છે.
ડીસા ગાયત્રી કોલ્ડ સ્ટોરેજના મહેન્દ્રભાઈ મણીભાઈ પટેલે ટેટોડાના સમર્પિત ગૌસંત પૂજ્ય રામરતનજી મહારાજનાં તેમના કોલ્ડ સ્ટોરેજ ઉપર પાવન પગલાં કરાવી ગૌમાતાઓની લમ્પી સારવાર માટે રૂપિયા 111111 (એક લાખ અગીયાર હજાર એકસો અગીયાર) નો ચેક અર્પણ કરી અત્યંત રાજીપો વ્યક્ત કર્યો હતો.
આ દિવ્ય અવસરે ઢીમાના પૂજ્ય જાનકીદાસજી બાપુ ,ભાપીના અંકિતપુરીજી બાપુ,સોડિયા ગૌશાળાના આર.ડી.ઠકકર, જીલ્લા ગૌરક્ષા પ્રચારક ભગવાનભાઈ બંધુ થરાદના કે.કે.રાજપૂત,જયનીશભાઈ પટેલ સહિત સૌ કોઈ ખાસ ઉપસ્થિત રહ્યા હતા.
