મોરબી તા ૭ : મોરબી ક્રાઈમ બ્રાન્ચ ની ટીમે આજે બાતમીના આધારે મોરબીના જાંબુડીયા ગામ પાસેથી મોબાઇલ ફોનની ચીલઝડપ કરનાર અઠંગ ચોરને ચીલઝડપમાં ગયેલ મોબાઇલ ફોન તથા અન્ય મોબાઇલ ફોન નંગ-૨૩ તથા અન્ય મુદામાલ મળી કુલ કી.રૂ. ૧,૩૦,૦૦૦ ના મુદામાલ સાથે ઝડપી લીધો હતો.
મોરબી એલસીબીના પીઆઇ ડી.એમ.ઢોલના માર્ગદર્શન હેઠળ પીએસઆઇ કે.જે.ચૌહાણ તથા એન.એચ.ચુડાસમા અને એલ.સી.બી./પેરોલ ફર્લો સ્કોડ, સ્ટાફના માણસો સાથે ચોરીના બનાવો અટકાવવાની કાર્યવાહી કરવા મોરબી તાલુકા વિસ્તારમાં પ્રયત્નશીલ હતા. દરમ્યાન ખાનગીરાહે મળેલ હકીકત આધારે આરોપી કાનજીભાઇ ઉર્ફે કાનો રાજેશભાઇ ચાવડા (ઉ.વ.૨૧ રહે મોરબી-૦૨ સામાકાંઠે પટેલ સોસાયટી સામે રામકૃષ્ણનગર)ને અલગ અલગ કંપનીના એન્ડ્રોઇડ મોબાઇલ ફોન નંગ-૨૩ સાથે પકડી પાડી મોરબી એલ.સી.બી કચેરી ખાતે લાવી મોબાઇલ ફોન બાબતે સઘન પુછપરછ કરતા આ મોબાઇલ પોતે તથા પોતાના મિત્રો સાથે મળી અલગ અલગ તારીખ સમયે મોરબી તાલુકાના બેલા, રંગપર, ઘુટ રોડ, લખધીરપુર રોડ, જાંબુડીયા, સરતાનપર રોડ, માટેલ-ઢુવા રોડ પર આવેલ કારખાના વિસ્તારમાંથી મજુર પાસેથી ચિલઝડપ કરી આચકી પડાવીને મેળવેલ હોય જે મોબાઇલ ફોન બાબતે વેરીફાઇ તપાસ કરતા મોરબી તાલુકાના જાંબુડીયા ગામ પાસેથી મજુર પાસેથી રીયલ મી કંપનીનો મોબાઇલ ફોન આચકી ચિલઝડપ કરી મેળવેલ હોય જે બાબતે ગુન્હો નોંધાયો હોય જેથી આરોપી પાસેથી ચિલઝડપમાં ગયેલ મોબાઇલ ફોન તથા અન્ય અલગ અલગ કંપનીના મોબાઇલ ફોન મળી કુલ મો.નંગ-૨૩ કિ.રૂ.૧,૧૫,૦૦૦ તથા હીરો સ્પ્લેન્ડર મો.સા. કી.રૂ. ૧૫,૦૦૦ નો મુદામાલ કબજે કરી વધુ તપાસ અર્થે મોરબી તાલુકા પોલીસ સ્ટેશન ખાતે સોપી આપેલ છે.
