પડધરી:તા ૨૯ એક લાખ નવ હજાર ની ઉચાપત કેશમાં આરોપી ભરતભાઇ મોતીભાઇ દેવડા દોમડા સેવા સહકારી મંડળીના મંત્રીનો પડધરી કોર્ટમાંથી નિર્દોષ જાહેર કરેલ. આ કેશની હકીકત એવી છે કે દોમડા ભાયુના સહકારી મંડળીના મંત્રી ભરતભાઇ દેવડાએ ડી.એ.પી. ૧ર ટન ખાતર જેની વેચાણ કિંમત રૂા. ૧,૦૮,૯૯૬/- નુ વેચાણ કરી તે રકમ પડધરી ખરીદ વેચાણ સંધમાં જમા ન કરાવતા પડધરી તાલુકા ખરીદ વેચાણ સંધ ના મેનેજર બચુભાઇ મોહનભાઇ એ પડધરી પોલીસ સ્ટેશનમાં આઇ.પી.સી. ૪૦૬, ૪૦૮, ૪૦૯, ૪૬૭, ૪૬૮ મુજબની ફરીયાદ આપેલ આ કેશ પડધરી કોર્ટમાં ચાલી જતા આરોપી ભરતભાઇ મોતીભાઇ દેવડાનો નિર્દોષ છુટકારો થયેલ છે. આ કેશમાં પડધરીના સીનીયર એડવોકેટ પ્રફુલભાઇ કોટક રોકાયેલ હતા.
