લાયન્સ તેમજ રોટરી ડિવાઈન કલબ ડીસાના નવા હોદ્દેદારોનું જલારામ મંદિરે કરવામાં આવેલ સન્માન
જલારામ મંદિર ડીસા દ્રારા ડીસાની તમામ સેવાભાવી સંસ્થાઓની કદર કરી નવા હોદ્દેદારોનું નિયમિત સન્માન કરવામાં આવે છે.ગત ગુરૂવારે લાયન્સ કલબ તેમજ રોટરી ડિવાઈન ક્લબ ડીસાના નવા વરાયેલા હોદ્દેદારો પૂજ્ય જલારામબાપાના મંદિરે દર્શન અને આશીર્વાદ માટે પધારતાં સૌનું જલારામ મંદિર ડીસા દ્રારા કંકુતિલક,ફૂલછડી, સાલ તેમજ જલારામ દર્શન ગ્રંથથી ભવ્યાતિભવ્ય દિવ્યાતિદિવ્ય સન્માન કરવામાં આવ્યું હતું.
બેઉ સંસ્થાઓના હોદ્દેદારોનું શાબ્દિક સ્વાગત ભગવાનભાઈ બંધુએ કર્યું હતું.રોટરી ડિવાઈન કલબ ડીસાના પ્રમુખ ડો.અવનીબેન ઠક્કર, મંત્રી ડો.નિકિતાબેન ઠક્કર,અગ્રણી ડો.રીટાબેન પટેલ,ધરતીબેન પ્રજાપતિ, હેતલબેન અવસ્થી તેમજ લાયન્સ ક્લબ ડીસાના નવા પ્રમુખ મિતુલભાઈ શાહ,મંત્રી હિતેશભાઈ અવસ્થી,નિરવભાઈ ચાંપાનેરી, જીગ્નેશભાઈ પટેલ,ડો.પ્રધુમન અગ્રવાલ સહિત સૌને સન્માનિત કર્યા બાદ સૌએ રચનાત્મક પ્રતિભાવ આપી જલારામ મંદિર ડીસાની સેવાકીય પ્રવૃતિઓની પ્રશંસા કરી હતી.
જલારામ મંદિર ડીસાના પ્રમુખ કનુભાઇ આચાર્યે સૌ હોદ્દેદારોને આશીર્વાદ આપી શુભેચ્છાઓ પાઠવી હતી.આ દિવ્ય અવસરે વિવિધ સંસ્થાઓના સર્વ સુરેશભાઈ વકીલ,બળદેવભાઇ રાયકા, ચંદુભાઈ એટીડી,મહેશભાઈ મનવર,રમણીકભાઈ મજેઠીયા, મનોજભાઈ ચૌહાણ,જયેશભાઈ દેસાઈ , ઈશ્ર્વરભાઇ રાવળ, શૈલેષભાઈ રાચ્છ સહિત ખૂબ મોટી સંખ્યામાં ભાવિકો ઉપસ્થિત રહ્યા હતા.સૌએ મહાઆરતી તેમજ ખીચડી -કઢી પ્રસાદનો લાભ લીધો હતો.
