*𝐇𝐄𝐋𝐋𝐎 𝐌𝐎𝐑𝐁𝐈 𝐍𝐄𝐖𝐒:ગૌસેવા હેતુ મજબૂત ટીમ વર્કથી શ્રી જલારામ ગૌ સત્સંગ મંડળ ડીસા દ્રારા આયોજીત શ્રી ઉજ્જૈન મહાકાલ તીર્થધામ શ્રી ગૌરામકથા*

ગૌસેવા હેતુ મજબૂત ટીમ વર્કથી શ્રી જલારામ ગૌ સત્સંગ મંડળ ડીસા દ્રારા આયોજીત શ્રી ઉજ્જૈન મહાકાલ તીર્થધામ શ્રી ગૌરામકથાની ઐતિહાસિક સફળતા
પ્રત્યેક સામાજિક, ધાર્મિક સત્કાર્ય કે પૂન્યકાર્ય માટે મજબૂત ટીમવર્ક ખૂબ જ જરૂરી છે.શ્રી જલારામ સત્સંગ મંડળ થરામાંથી પ્રેરણા લઈ તારીખ 26-7-2018 ગુરૂવારે ડીસા નગરમાં શ્રીમતી રીન્કુબેન જલારામભાઈ ઠક્કર (દેવવાળા) પરિવારના નિવાસસ્થાનેથી શરૂ થયેલ પૂજ્ય જલારામ બાપાનાં ભજન હાલમાં આઠમા વર્ષમાં પ્રવેશ કરી ચૂકેલ છે.સતત ગૌસેવા, હિંદુ એકતા,સનાતન જાગૃતિ, સામાજિક સમરસતા માટે કાર્યરત શ્રી જલારામ ગૌ સત્સંગ મંડળ ડીસા દ્રારા 389 ગુરૂવારનાં ભજન ડીસાના સમગ્ર સનાતન હિંદુ સમાજમાં થઈ ચૂક્યાં છે. થરા જલારામ ભજન મંડળના માર્ગદર્શનથી શ્રી જલારામ ગૌ સત્સંગ મંડળ ડીસાની સ્થાપના થઇ.ડીસામાંથી પ્રેરણા લઈને ધાનેરા, પાલનપુર,ભીલડી, દિયોદર,પાટણ,ભાભર, હારિજ એમ વિવિધ સ્થળોએ દર ગુરૂવારે પૂજ્ય જલારામ બાપાનાં ભજન શરૂ થયેલ છે.આગામી દિવસોમાં રાધનપુર,થરાદ, વિસનગર, મહેસાણા,કડી, સિધ્ધપુર ખાતે પણ નિયમિત દર ગુરૂવારે પૂજ્ય જલારામ બાપાનાં ભજન‌ શરૂ થાય તેની વિચારણા અને સંપર્ક ચાલુ છે.શ્રી જલારામ ગૌ સત્સંગ મંડળ ડીસા દ્રારા પાલનપુર, ધાનેરા,થરા,પાટણ એમ ચાર જલારામ મંદિરોની પદયાત્રા કરવામાં આવી છે અને આગામી દિવસોમાં જલારામ મંદિર દિયોદરની પદયાત્રા થનાર છે.
શ્રી જલારામ ગૌ સત્સંગ મંડળ ડીસાના માધ્યમથી તારીખ 31-7-2023 થી તારીખ 8-8-2023 દરમિયાન હરિદ્વાર સ્વામિનારાયણ મંદિર ખાતે પૂજ્ય શ્રધ્ધા ગોપાલ સરસ્વતી દીદીજીના વ્યાસાસને ગૌરામકથા તેમજ પૂજ્ય યશવંત શાસ્ત્રીજી મહારાજના વ્યાસાસને ગૌભાગવતકથાનું સફળ આયોજન કરવામાં આવ્યું હતું.તારીખ 16-12-2024 થી તારીખ 23-12-2024 સુધી વૃંદાવન ખાતે પૂજ્ય શ્રધ્ધા ગોપાલ સરસ્વતી દીદીજીના વ્યાસાસને ગૌભાગવતકથાનું સુંદર આયોજન શ્રી કૃષ્ણ જ્વાલા ધામ ખાતે કરવામાં આવ્યું હતું.તાજેતરમાં જ તારીખ 19-12-2025 થી તારીખ 27-12-2025 સુધી પૂજ્ય શ્રધ્ધા ગોપાલ સરસ્વતી દીદીજીના વ્યાસાસને ઉજ્જૈન મહાકાલ તીર્થધામમાં ઝાલરિયા મઠ ખાતે શ્રીગૌરામકથાનું ખૂબ જ વ્યવસ્થિત રીતે આયોજન કરવામાં આવ્યું હતું.આગામી કથાઓ પુષ્કર,દ્રારિકા, સોમનાથ, અયોધ્યા,શ્રીનાથદ્રારા,કાશી, ઋષિકેશ, નૈમિષારણ્ય,શુકતાલ, ચિત્રકૂટ, રામેશ્વરમ,નાશીક, જગન્નાથપુરી,વૈષણવોદેવી જેવા અતિ પવિત્ર સ્થળોએ સમયસંજોગો અનુસાર થવાની સંભાવના છે.
શ્રી ઉજ્જૈન મહાકાલ તીર્થધામ કથાની સફળતા માટે મજબૂત ટીમવર્ક તેમજ સૌની નિખાલસતા વિશેષ જવાબદાર છે.શરૂઆતમાં ભગવાનભાઈ બંધુ, શશીકાંતભાઈ ડી ઠક્કર, પ્રકાશભાઈ રામપ્રસાદભાઈ ઠક્કર, કમલેશભાઈ રાચ્છ, અમિતભાઈ પુરોહિત એમ પાંચ હરિભક્તોએ બાય રોડ ઉજ્જૈન જઈ ત્યાંના રાજુભાઈ ઠક્કરને સાથે રાખી ત્રણચાર સ્થળોએ ફરી મહેસાણાના ગીરીશભાઈ ઠક્કરના માર્ગદર્શન મુજબ ઝાલરિયા મઠની જગ્યા પસંદ કરી હતી.ઝાલરિયા મઠના ટ્રસ્ટી કાકાજી, મેનેજર કાકડેજી,સહમેનેજર વિજયભાઈ શર્મા સાથે ચર્ચા કરી જરૂરી લખાણ કરી જગ્યા ફાયનલ કરી હતી.ઝાલરિયા મઠથી ઉજ્જૈન મહાકાલ તીર્થધામ સહિત તમામ દર્શનલાયક મંદિરો તેમજ જોવાલાયક સ્થળો ખૂબ જ નજીક પડે છે.કથાહોલ,ભોજનાલય,રહેવાના રૂમો વિગેરે ખૂબ જ વ્યવસ્થિત છે.11-2025 માં ભગવાનભાઈ બંધુ અને પ્રકાશભાઈ રામપ્રસાદભાઈ ઠક્કરે ફરી એકવાર ઉજ્જૈન રૂબરૂ જઈ રૂમોની વ્યવસ્થા,મંડપ,રસોઈ, સાઉન્ડ,લાઈટીગ, ફૂલહાર,બેન્ડ,બગી,મીનરલ વોટર, હરવાફરવાની જગ્યાઓ એમ તમામ બાબતોનો ખૂબ જ ઉંડાણપૂર્વક અભ્યાસ કરી તમામ વ્યવસ્થાનું સુચારૂ આયોજન કર્યું હતું.તારીખ 19-12-2025 શુક્રવારે રાત્રે શ્રી જલારામ મંદિર ડીસા ખાતે દર્શન,મહાઆરતી, ભોજન પ્રસાદ પતાવી ટેટોડા શ્રી રાજારામ ગૌધામના પૂજ્ય રામરતનજી મહારાજના આશીર્વાદ, ઈન્ટરનેશનલ લોહાણા મહિલા મંડળનાં પ્રમુખ પૂજાબેન ઠક્કર અને તેમની ટીમની શુભેચ્છાઓ લઈ ચાર સ્લીપર લકઝરી બસો દ્રારા પાલનપુર, મહેસાણા, અડાલજ થઈ તારીખ 20-12-2025 શનિવારે સવારે 10=30 કલાકે સૌ ઉજ્જૈન પહોંચ્યા હતા.શ્રી રામચરિત માનસ મંડળ ડીસા તેમજ શ્રી જલારામ ગૌ સત્સંગ મંડળ ડીસાના સભ્યોએ પણ ખાસ ઉપસ્થિત રહીને શુભેચ્છાઓ પાઠવી હતી.કેટલાક હરિભક્તો અમદાવાદથી ટ્રેન દ્વારા પણ ઉજ્જૈન પહોચ્યા હતા.એક દિવસ અગાઉ શ્રી જલારામ મંદિર ડીસા ખાતેથી પૂજ્ય યશવંત શાસ્ત્રીજી મહારાજના આશીર્વાદ તેમજ અનેક હરિભક્તોની શુભેચ્છાઓ સાથે પ્રકાશભાઈ રામપ્રસાદભાઈ ઠક્કર અને પ્રકાશભાઈ ન્યાલચંદભાઈ મજેઠીયાએ ઉજ્જૈન પહોંચી તમામ વ્યવસ્થા કરી સર્વોત્તમ જવાબદારી નિભાવી હતી.સ્લીપર લકઝરી બસ નંબર 1 ના કન્વીનરશ્રીઓ શશીકાંતભાઈ ડી ઠક્કર, મહેશભાઈ જીવરાજભાઈ પોપટ,અમીતભાઈ પુરોહિત, લકઝરી બસ નંબર 2 ના કન્વીનરશ્રીઓ કમલેશભાઈ રાચ્છ, તારાચંદભાઈ મજેઠીયા, હિરેનકુમાર રાચ્છ,બસ નંબર 3 ના કન્વીનરશ્રીઓ રમેશભાઈ કચરાણી, મહેશભાઈ ઉડેચા, રામજીભાઈ પટેલ,બસ નંબર 4 ના કન્વીનરશ્રીઓ ભગવાનભાઈ બંધુ, સુભાષભાઈ હસમુખભાઈ ઠક્કર, હર્ષદભાઈ અચરતલાલ ઠક્કર સહિત સૌએ ખૂબ જ સુંદર આયોજન કરતાં તમામ બસોમાં રાત્રે વ્યવસ્થિત સૂઈ રહેવા માટે કોઈનેય સહેજ પણ અગવડ પડી નહોતી.શારદાબેન આચાર્ય અને જ્યોતિબેન આર ઠક્કરે વ્યાસપીઠની સુવ્યવસ્થિત જવાબદારી સંભાળી હતી.પ્રકાશભાઈ રામપ્રસાદભાઈ ઠક્કર અને પ્રકાશભાઈ ન્યાલચંદભાઈ મજેઠીયાને રસોડા વિભાગમાં રમેશભાઈ કચરાણી,શશીકાંતભાઈ ડી ઠક્કર, મહેશભાઈ જીવરાજભાઈ પોપટ, મહેશભાઈ ઉડેચા, કમલેશભાઈ રાચ્છ,સુરેશભાઈ રાયચંદભાઈ આચાર્ય,સુખદેવભાઈ હરજીવનભાઈ પોપટ, દીપચંદભાઈ અનડા, વિનોદભાઈ પલણ, નટવરલાલ ખેંગારજી ઉડેચા જેવા અનુભવી હરિભક્તોનો સહકાર સાંપડ્યો હતો.ઉજ્જૈનના સ્થાનિક રસોઈયા પ્રભુભાઈ તેમજ ડીસાના રસોઈયા કમલેશભાઈ મહારાજના સહિયારા પ્રયાસોથી સાતેય દિવસ રસોઈ લાજવાબ બની હતી.બધા જ યાત્રિકો ખૂબ જ એક્ટીવ, ક્રિએટિવ, પોઝીટીવ હોવાને લીધે સમગ્ર કથાયાત્રાનો અતિ સુખદ અનુભવ થયો હતો.
શ્રી ઓમકારેશ્વર જયોર્તિલિંગ,મમલેશ્ર્વર, બગલામુખી માતાજી,સાલરિયા ગૌશાળા, સાંવરિયા શેઠ જેવાં તીર્થધામોનાં ખાસ દર્શન યાત્રિકોએ કર્યાં હતાં.શ્રી ઉજ્જૈન મહાકાલ તીર્થધામ ખાતે મહાકાલ મંદિર,હરિસિધ્ધિ માતાજી મંદિર, ગણપતિજી મંદિર,ગઢકાલિકા મંદિર, સાંદીપનિ આશ્રમ, કાલભૈરવજી, મંગલકામના મંદિર સહિત અનેક મંદિરોનાં તેમજ ક્ષીપ્રા નદીમાતાનાં વ્યવસ્થિત વારંવાર દર્શન થતાં સૌએ અત્યંત રાજીપો વ્યક્ત કર્યો હતો.ઉજ્જૈનના સ્થાનિક રસોઈયા પ્રભુભાઈની દરિયાદીલી,ઉદારતા,માનવતા,નિયમિતતા, સમયબધ્ધતા અને ડીસાના કમલેશભાઈ મહારાજની આવડતને લીધે નાસ્તો,લંચ,ડીનર સમયસર મળતાં સૌને વિશેષ આનંદ થયો હતો.રસોડા વિભાગમાં પ્રકાશભાઈ રામપ્રસાદભાઈ ઠક્કરની આવડત, સૂઝબૂઝ, કાબેલિયત,અનુભવ,ખંત, જાગૃતિ,ચીવટતા અને ઉત્સાહનો વિશેષ લાભ મળ્યો હતો.તેઓ વહેલા પાંચ વાગે જાગી રસોડામાં આવતા અને મોડીરાત સુધી હાજર રહી બધી જ વ્યવસ્થા સંભાળતા તેથી રસોડાની કામગીરી વધારે સારી રહી હતી.
શારદાબેન આચાર્ય, જ્યોતિબેન આર ઠક્કર,બબીબેન રાચ્છ, શિલ્પાબેન સુભાષભાઈ ઠક્કર, શિલ્પાબેન જોષી,ચારૂબેન બી ઠક્કર, જયશ્રીબેન રાચ્છ, પુષ્પાબેન પ્રકાશભાઈ ઠક્કર,મીનાબેન મજેઠીયા,બીનાબેન એ ઠક્કર, જાગૃતિબેન આચાર્ય સહિતની બહેનોને લીધે સુંદરકાંડ,આનંદનો ગરબો તેમજ પૂજ્ય જલારામ બાપાનાં ભજન વિગેરેનું સુંદર આયોજન કરાયું હતું.સાતેય દિવસ સમગ્ર કાર્યક્રમનું સંચાલન ભગવાનભાઈ બંધુ, ગૌસેવા આવકનો વહિવટ મહેશભાઈ ઉડેચા, ફૂલહારની વ્યવસ્થા કમલેશભાઈ રાચ્છ તેમજ પ્રચાર પ્રસારની જવાબદારી લોહાણા ન્યૂઝના તંત્રી આનંદભાઈ પી ઠક્કરે સંભાળી હતી.
શારદાબેન આચાર્ય, જ્યોતિબેન આર ઠક્કર, શિલ્પાબેન એસ ઠક્કર, સાવિત્રીબેન ગુણવંતલાલ ઠક્કર,શશીકાંતભાઈ ડી ઠક્કર, તારાચંદભાઇ મજેઠીયા, મનીષભાઈ ઠક્કર,કમલેશભાઈ રાચ્છ, પ્રકાશભાઈ રામપ્રસાદભાઈ ઠક્કર, અમીતભાઈ પુરોહિત, રામજીભાઈ પટેલ, રમેશભાઈ કચરાણી, ભગવાનભાઈ બંધુ, પ્રકાશભાઈ મજેઠીયા, મહેશભાઈ પોપટ, મહેશભાઈ ઉડેચા, સુરેશભાઈ આચાર્ય, મણીભાઈ પટેલ -શેઠ, નિરંજનભાઈ અચરતલાલ ઠક્કર જેવા તમામ હરિભક્તોના સાથ, સહકાર, સંપર્કથી ઉજ્જૈન કથા માટે ખૂબ જ સારા યાત્રિકો મળ્યા હતા.તમામ યાત્રિકોની ઉદારતા, જતું કરવાની ભાવના,ચાલશે-ભાવશે-ફાવશેની નીતિ, નિસ્વાર્થતા, નિખાલસતા, નિયમિતતા, હકારાત્મકતાને લીધે જ ઉજ્જૈન કથાને અભૂતપૂર્વ, અદ્ભુત, અદ્રિતીય સફળતા મળી હતી અને સાત દિવસ હોંશેહોંશે ચપટીમાં પૂર્ણ થઈ ગયા હતા.ઘણા હરિભક્તોને ઉજ્જૈન આવવાની ઈચ્છા હતી પણ ના આવી શકયા તેમને ખૂબ જ અફસોસ થયો.કથાયાત્રામાં સીનીયર સીટીઝન વધારે હતા છતાં કોઈને સહેજે તકલીફ પડી નહોતી.ચાર સારી સ્લીપર લકઝરી બસ માટે પાટણ જલારામ ટ્રાવેલ્સના મનુભાઈ અને વિશાલભાઈનો સરાહનીય સહકાર હતો.જલારામ મંદિર ડીસાના બેઉ પૂજારીજી, કેશવલાલ ચાવડા, હસમુખભાઈ ઠક્કર, કિરણભાઈ માળી, દીલીપભાઇ કામદાર સહિત સમગ્ર સ્ટાફનો સહકાર વંદનીય હતો.ઉજ્જૈનના રાજુભાઈ ઠક્કર, એમનાં ધર્મપત્ની સ્વાતિબેન,પુત્રી ભૂમિબેનનો સહકાર પણ અભિનંદનીય હતો.
શ્રી જય જલારામ ટ્રસ્ટ ડીસા અને શ્રી જલારામ ગૌ સત્સંગ મંડળ ડીસા દ્રારા જે જે કથાઓનું આયોજન થાય છે તેમાં રહેવા,જમવા તેમજ ફરવાની ઉતમ સુવિધા હોય તેનો સંપૂર્ણ ખ્યાલ રાખવામાં આવે છે.પૂજય શ્રધ્ધા ગોપાલ સરસ્વતી દીદીજીની મીઠી-સચોટ વાણી, નિસ્વાર્થ ગૌભાવના, સમયબધ્ધતા, આધ્યાત્મિક જ્ઞાન, નિયમિતતા, અહંકાર -આડંબર વગરનું જીવન, સારૂં સાજીંદા ગ્રુપ એમ બધી જ બાબતોને લીધે દરેક કથા ખૂબ જ સફળ થાય છે.
શ્રી ઉજ્જૈન મહાકાલ તીર્થધામ શ્રી ગૌરામકથાની સફળતા માટે મજબૂત ટીમવર્ક ખૂબ જ મહત્વપૂર્ણ અને જવાબદાર છે.આ માટે પ્રત્યક્ષ કે પરોક્ષ રીતે સહકાર, માર્ગદર્શન આપનાર સૌને ખૂબ ખૂબ અભિનંદન તેમજ સૌનો વિશેષ આભાર….
ભગવાનભાઈ બંધુ
ડીસા -ગુજરાત
મોબાઈલ..7984481168/9825638643