જલારામ મંદિર ડીસા દ્રારા વાલ્મીકિ સમાજની દીકરીનાં કરાવવામાં આવ્યાં લગ્ન
સમગ્ર ઉત્તર ગુજરાતની અગ્રણી સેવાભાવી સંસ્થા શ્રી જલારામ મંદિર ડીસા દ્રારા અનેકવિધ સેવાકીય પ્રવૃતિઓ ચાલે છે. તાજેતરમાં ડીસાની વાલ્મીકિ સમાજની દીકરી આશાબેન ખોડાભાઈ વાલ્મીકિના શુભ લગ્ન જલારામ મંદિર ખાતે કરવામાં આવ્યાં હતાં.
આ શુભ અવસરે લગ્ન માટે હોલ,શેડ,બે દિવસ માટે ભોજન પ્રસાદની સંપૂર્ણ સગવડ સહિતની તમામ વ્યવસ્થા જલારામ મંદિર તરફથી કરવામાં આવતાં ડીસાના સમગ્ર વાલ્મીકિ સમાજે આનંદની લાગણી વ્યક્ત કરી પૂજ્ય જલારામ બાપાને આદરપૂર્વક વંદન કર્યા હતા.
જલારામ ભક્તો સર્વ શારદાબેન આચાર્ય, ભગવાનભાઈ બંધુ, શશીકાંતભાઈ ડી ઠક્કર, તારાચંદભાઈ મજેઠીયા, કમલેશભાઈ રાચ્છ, નિર્મળાબેન એફ.ડી., નીરૂબેન વી.પૂજારા સહિત સૌએ હાજર રહી દીકરીને આશીર્વાદ આપી ભેટ અર્પણ કરી હતી.
જલારામ ભોજનાલય ડીસાનો સમગ્ર સ્ટાફ સેવામાં જોડાયો હતો.
