*𝐇𝐄𝐋𝐋𝐎 𝐌𝐎𝐑𝐁𝐈 𝐍𝐄𝐖𝐒; ડીસાના પરમ જલારામ ભકત હિતેશભાઈ સોનપાલના નવીન નિવાસસ્થાને ટેટોડા ગૌશાળાના પૂજ્ય રામરતનજી મહારાજની દિવ્ય પધરામણી*

ડીસાના પરમ જલારામ ભકત હિતેશભાઈ સોનપાલના નવીન નિવાસસ્થાને ટેટોડા ગૌશાળાના પૂજ્ય રામરતનજી મહારાજની દિવ્ય પધરામણી
ડીસા નગરમાં 427 મા ગુરૂવારે પૂજ્ય જલારામ બાપાનાં ભજન શ્રીમતી વીણાબેન રમેશભાઈ આયા પરિવારના નિવાસસ્થાને હતાં.આ પવિત્ર સમયે શ્રી જલારામ ગૌમાતા હોસ્પિટલ શ્રી રાજારામ ગૌશાળા આશ્રમ ટેટોડાના કર્મનિષ્ઠ મહંત પૂજ્ય રામરતનજી મહારાજ પણ પધાર્યાં હતા.
પરમ જલારામ ભકત,ગૌભકત અને જલારામ ગૌ સત્સંગ મંડળ ડીસાના સમર્પિત આજીવન સેવક હિતેશભાઈ સોનપાલનું નવીન મકાન તૈયાર થતાં તેમની વિનંતીને માન આપી ટેટોડા ગૌશાળાના મહંત પૂજ્ય રામરતનજી મહારાજને તેમના નિવાસસ્થાને પધરામણી કરી આશીર્વાદ આપવા માટે ભજન સંચાલક ભગવાનભાઈ બંધુએ જાહેરાત કરી હતી.
પૂજ્ય રામરતનજી મહારાજે હિતેશભાઈ સોનપાલના નિવાસસ્થાને પધરામણી કરતાં તેમના સમગ્ર પરિવારે પૂજ્ય મહંતશ્રીનું ઉમળકાભેર સ્વાગત સન્માન કરી ભરપૂર આશીર્વાદ લીધા હતા.આ દિવ્ય અવસરે જલારામ ભકતો સર્વ શશીકાંતભાઈ ડી ઠક્કર, અમીતભાઈ પુરોહિત, કમલેશભાઈ રાચ્છ , મહેશભાઈ જીવરાજભાઈ પોપટ, કિશોરભાઈ ચૌહાણ, પ્રહલાદભાઈ સહયોગ, અશોકભાઈ કુકમાવાળા, વિનોદભાઈ એચ.ગોકલાણી, કનુભાઈ નાની ચંદુરવાળા સહિત સૌ સાથે જોડાયા હતા અને એમના નવીન મકાનમાં ગરબે ઘૂમ્યા હતા.
હિતેશભાઈ સોનપાલ કોઈ પણ પ્રકારના માનસન્માનની અપેક્ષા સિવાય પૂજ્ય જલારામ બાપાના ભજનમાં છેલ્લા ઘણા વર્ષોથી સતત સેવા આપી રહેલ છે. તેમનાં ધર્મપત્ની સરોજબેન સોનપાલ અને દીકરી પૂનમબેન સોનપાલ પણ આ સેવામાં સહકાર આપતાં જ રહે છે.