માળીયા : માળીયા મિયાણાના મોટા દહીંસરા ગામે બાવળની કાટમાં દેશીદારૂ બનવવાની પેરવી કરી રહેલા શખ્સને પોલીસે દેશીદારૂના આથા તેમજ તૈયાર દારૂ સાથે ઝડપી લીધો હતો. જ્યારે ગોરખધંધામાં ભાગીદાર અન્ય એક શખ્સને ફરાર જાહેર કર્યો છે.
માળીયાના મોટાદહીસરા ગામે આવેલ બુઢીયારી મેલડી માતાજીના મંદિર જવાના રસ્તે હોકળાના કાંઠે બાવળની કાંટમા દામજીભાઇ ઉર્ફે દામો ખેતાભાઇ જાગા, ઉ.વ-૩૫ રહે- રેલ્વે સ્ટેશન પાસે, મોટા દહીસરા, તા-માળીયા મીંયાણા તેમજ જયેન્દ્રસિંહ બળવતસિંહ જાડેજા રહે-વિવેકાનંદનગર, મોટા દહીસરાવાળા દેશી દારૂ બનાવતા હોવાની બાતમીને આધારે પોલીસે રેડ પાડી દામજી ઉર્ફે દામાને 600 લીટર દારૂના આથો તેમજ 40 લીટર દારૂ સાથે પકડી પાડ્યો હતો. જ્યારે જયેન્દ્રસિંહ હાજર ન મળી આવતા ફરાર જાહેર કરી બન્ને વિરુદ્ધ પ્રોહીબિશન કાયદા હેઠળ કાર્યવાહી હાથ ધરી છે.
