મોરબી : મોરબી સીટી એ ડિવિઝન સર્વેલન્સ ટીમે બાતમીને આધારે વાવડી રોડ ઉપર ઓફિસમાં દરોડો પાડી વિદેશી દારૂની 35 બોટલ સાથે એક શખ્સને ઝડપી લીધો હતો.
મોરબી સીટી એ ડિવિઝન પોલીસ ટીમનો સર્વેલન્સ સ્ટાફ પેટ્રોલીંગમાં હતો તે દરમિયાન પો.કોન્સ. ચકુભાઇ કરોતરાને બાતમી મળી હતી કે, પૃથ્વીરાજસિંહ દીલુભા ઝાલા (રહે.મોરબી, વાવડી રોડ, સોમૈયા સોસાયટી) પોતાની વાવડી રોડ બાપા સીતારામ મઢુલી પાછળ આવેલ પોતાની ઓફીસમાં ઇંગ્લીશ દારૂ રાખી વેચાણ કરે છે.
જે હકીકતને પગલે પોલીસ ટીમે ઉપરોક્ત સ્થળે રેઇડ કરતા આરોપી પૃથ્વીરાજસિંહ દીલુભા ઝાલાની ઓફિસમાંથી ભારતીય બનાવટનો વિદેશી દારૂ મેકડોવેલ્સ નં.૧ સુપરીયર વ્હીસ્કી ઓરીજનલ ફોરસેલ ઇન હરીયાણા ઓન્લી લખેલી કાચની ૭૫૦ એમ.એલ. સીલબંધ બોટલો નંગ. ૩૫, કિ.રૂ. ૧૦,૫૦૦નો મુદામાલ મળી આવતા કબ્જે કરી આરોપી વિરુધ્ધ ધોરણસર કાર્યવાહી કરેલ છે.
દરોડાની સફળ કામગીરી પોલીસ ઇન્સપેકટર બી.પી.સોનારા, પો.સબ.ઇન્સ. એસ.એમ.રાણા, પો.હેડ.કોન્સ. મહાવીરસીંહ પરમાર, કિશોરભાઇ મિયાત્રા, રામભાઇ મંઢ, પો.કોન્સ. ભાનુભાઇ બાલસરા, ચકુભાઇ કરોતરા, ભરતભાઇ હુંબલ, ભાવેશભાઇ મિયાત્રા, આશીફભાઇ રાઉમા, સંજયભાઇ બાલાસરા તથા સમરતસિંહ ઝાલા વગેરેએ કરી હતી.
