ટંકારા : ટંકારામાં તારીખ 22 ના રોજ સામુહિક આરોગ્ય કેન્દ્ર ખાતે આરોગ્ય મેળો યોજાશે . ભારત સરકાર અને ગુજરાત સરકાર દ્વારા તારીખ 18 /4 /22 થી 22/ 4/ 2022 દરમિયાન દરેક તાલુકામાં બ્લોક હેલ્થ મેળાનું આયોજન કરાયેલ છે. જે અંતર્ગત તારીખ 22/ 4/ 2022 શુક્રવારના રોજ ટંકારામાં સામુહિક આરોગ્ય કેન્દ્ર ખાતે આરોગ્ય મેળો યોજાયેલ છે.
તેમાં જુદા જુદા તબીબો તજજ્ઞો દવા સારવાર તેમજ રેફરન્સ સેવાઓ પૂરી પાડશે આરોગ્યલક્ષી શિક્ષણ અપાશે.
મોરબી જિલ્લામાં કલેક્ટરના અધ્યક્ષ પદે જિલ્લા વિકાસ અધિકારીના માર્ગદર્શન હેઠળ તેમજ વહીવટીતંત્ર સાથે સંકલન માં રહીને આરોગ્ય અધિકારી મોરબી દ્વારા ટંકારા તાલુકામાં ,તાલુકા કક્ષાનો આરોગ્ય સેવા સેતુ યોજાશે.
આ આરોગ્ય મેળાનો વધુમાં વધુ લાભ લેવા ટંકારા તાલુકા વહીવટી તંત્ર, મામલતદાર, તાલુકા હેલ્થ ઓફિસર ટંકારા, તાલુકા વિકાસ અધિકારી તેમજ સામુહિક આરોગ્ય કેન્દ્ર ના અધ્યક્ષ દ્વારા ટંકારા તાલુકા ના લોકોને લાભ લેવા નમ્ર અપીલ કરાયેલ છે .
