PM SHRI હડીયાણા કન્યા શાળામાં સાયબર ફ્રોડ અંગે જાગૃતિ ફેલાવતો સેમિનાર યોજાયો
જામનગર જિલ્લાની જોડિયા તાલુકાની PM SHRI હડીયાણા કન્યા શાળામાં આજરોજ જામનગર ડિસ્ટ્રિક્ટ કો-ઓપરેટિવ બેંક લી.-ના સહયોગ અંતર્ગત સહકાર વિભાગ મારફત એક નાણાકીય સાક્ષરતા સેમિનારનું આયોજન કરવામાં આવ્યું હતું. જેમાં જેડીસી-બેંક હડિયાણાના બ્રાન્ચ મેનેજરશ્રી કે.કે. કુંડારિયા તથા સ્ટાફ દ્વારા બાળકોને બેંક,બેંકના ઉપયોગો, ઓનલાઈન થતાં ફ્રોડ અને બાળકો તથા વાલીઓ દ્વારા થતાં મોબાઇલના ઉપયોગ અને અજાણતા આવતી મોબાઈલ લિંકથી દૂર રહેવું અને કોઈ બિનજરૂરી એપ્લીકેશનને મોબાઇલમાં ડાઉનલોડ ના કરવી વગેરે બાબતોની માહિતી તેમના દ્વારા આપવામાં આવી હતી. વધુમાં ઓનલાઈન ફ્રોડ થાય તો હેલ્પલાઇન નંબર 1930 પર જાણ કરવી જેવી વિશેષ માહિતી પણ બાળકોને મળી હતી.કાર્યક્રમના અંતે શાળાના મ.શિ. શ્રી ચંપકભાઈ ધમસાણિયા દ્વારા કાર્યક્રમનું સંચાલન કરવામાં આવ્યું હતું. ઉપરાંત શાળાના આચાર્ય શ્રી અરવિંદ એન. મકવાણા તથા સમગ્ર શાળા પરિવાર દ્વારા જામનગર ડિસ્ટ્રિક્ટ કો-ઓપરેટિવ બેંક-હડીયાણા શાખાનો ખુબ ખુબ આભાર વ્યક્ત કર્યો હતો.
