રવાપર રોડ ઉપર રહેતા શખ્સે 3.85 રોકડા કટકટાવી લીધા બાદમાં આરટીઓમાં ગાડી નામે ન કરાવી દેતા ફરિયાદ
મોરબી : મોરબીમાં રવાપર રોડ ઉપર રહેતા શખ્સે રૂપિયા 3.85 લાખમાં સ્વીફ્ટ કાર વેચ્યા બાદ આ કાર વેચાણ લેનારના નામે ન ચડાવી આપતા સીટી બી ડિવિઝન પોલીસ મથકમાં ફરિયાદ નોંધાઈ છે. મોરબીના સામાકાંઠા વિસ્તારમાં ઉમાં ટાઉનશિપમાં રહેતા વાસુદેવભાઇ વલ્લભભાઇ વડગાસીયા આરોપી પાર્થભાઇ ઉર્ફે વાદી મગનભાઇ દેકાવાડીયા (રહે. લોટસ ટાવર, રવાપર રોડ, મોરબી) પાસેથી રોકડા રૂપિયા 3.85 લાખ ચૂકવી મારૂતી સીફટ ગાડી રજી નં-GJ-27-BE-1072 ખરીદ કરી હતી. પરંતુ બાદમાં આરોપી પાર્થ ઉર્ફે વાદીએ આર.ટી.ઓ.મા ગાડી નામે ના ચડાવી આપી વિશ્વાસધાત છેતરપિંડી કરતા આ મામલે પોલીસ ફરિયાદ નોંધાવતા પોલીસે આરોપીને ઝડપી લેવા કાર્યવાહી હાથ ધરી છે.
