મોરબી : મોરબીમાં અલગ-અલગ સ્થળેથી ગઈકાલે તા. 20ના રોજ વિદેશી દારૂની બોટલો સાથે બે શખ્સો પકડાયા છે. આ બંને કેસમાં કુલ ત્રણ શખ્સો સામે મોરબી સીટી એ ડિવીઝન પોલીસ સ્ટેશનમાં પ્રોહિબિશન એક્ટ મુજબ ગુનો નોંધવામાં આવ્યો છે.
મોરબી શહેરમાં કુબેરનગર નજીક હર્ષવાટીકા શેરીમાં ઓમદેવસિંહ કનકસિંહ જાડેજાને ગે.કા રીતે પાસ પરમીટ કે આધાર વગર પોતાના કબ્જામાં ભારતીય બનાવટની વીદેશી દારૂની એક બોટલ (કી.રૂ. 300) સાથે પકડી તેની અટકાયત કરવામાં આવી છે. તેમજ વિદેશી દારૂની બોટલ જપ્ત કરી છે. આ ઉપરાંત, મોરબીમાં રવાપર ચોકડી નજીક બાઇકમાં જતા ભુપેન્દ્રભાઇ જયસુખભાઇ વાઘેલાને ગે.કા રીતે પાસ પરમીટ કે આધાર વગર ભારતીય બનાવટની વીદેશી દારૂની એક બોટલ (કી.રૂ. 300) સાથે ઝડપી તેની અટકાયત કરવામાં આવી છે. અને વીદેશી દારૂની બોટલ તથા બાઈક કબ્જે કર્યા છે. તેમજ આરોપી ભુપેન્દ્રએ શાહરૂખભાઇ હાજીભાઇ ખોડ પાસેથી ખરીદી હોવાનું ખુલ્યું છે. આથી, પોલીસે આરોપી શાહરૂખને પકડવા તજવીજ હાથ ધરી છે.
