ધ્રોલ:તા૨૬ બેઝિક ઓફ ક્વોંટમ સાયન્સ પર વ્યાખ્યાન યોજાયું ..
ગુજકોસ્ટ-ગાંધીનગર પ્રેરિત અને શ્રી એમ.ડી.મહેતા એજ્યુકેશન ટ્રસ્ટ-ધ્રોલ સંચાલિત શ્રી એમ.ડી.મહેતા જિલ્લા વિજ્ઞાનકેન્દ્ર-ધ્રોલ દ્વારા વર્ષ 2025 : “ઇન્ટરનેશનલ યર ઓફ ક્વોંટમ સાયન્સ” તરીકે ઉજવાઈ રહ્યું છે. જેના ભાગ રુપે ક્રિષ્ના એંજીનિયરિંગ કોલેજના 50 વિદ્યાર્થીઓ માટે “ બેઝિક ઓફ ક્વોંટમ સાયન્સ ” વિષય પર વ્યાખ્યાનનું આયોજન કરવામાં આવ્યું . જેમાં વ્યાખ્યાતા તરીકે બહાઉદીન કોલેજ, જૂનાગઢનાં ભૌતિક વિભાગના પ્રો . ડો . પ્રશાંત વાચ્છાણી હાજર રહ્યા . તેઓએ વિદ્યાર્થીને ક્વોંટમ સાયન્સ શું છે?, તેનું મહત્વ , ક્યાં-ક્યાં ઉપયોગી છે ? તેની વિગતો પોતાના પ્રેઝેન્ટેશન દરમિયાન રજૂ કરી . કેન્દ્રના ડો. સંજય પંડયાએ આ બાળકોને સ્ટેમ લેબના મોડલનું નિદર્શન કરાવેલ .ત્યારબાદ તમામ એંજીનિયરિંગ વિદ્યાર્થીઓએ વિજ્ઞાનકેન્દ્રના કેમેસ્ટ્રી વિભાગ , બાયોલોજી વિભાગ ,એસ્ટ્રોનોમી વિભાગ ,મ્યુઝિયમ વિભાગની મુલાકાત લીધી .કાર્યક્રમની સફળતા અંગે સંસ્થાના ચેરમેનશ્રી ધર્મેશભાઈ મહેતા અને સંસ્થાના સેક્રેટરીશ્રી સુધાબેન ખંઢેરીયાએ અભિનંદન પાઠવ્યા.
