*𝐇𝐄𝐋𝐋𝐎 𝐌𝐎𝐑𝐁𝐈 𝐍𝐄𝐖𝐒:લોહાણા મહા પરિષદ ઉત્તર ગુજરાત ઝોનના પ્રમુખ તરીકે રાધનપુરના વિદ્રાન એડવોકેટ ડો.મહેશભાઈ મુલાણીની કરાઈ નિમણૂંક*

લોહાણા મહા પરિષદ ઉત્તર ગુજરાત ઝોનના પ્રમુખ તરીકે રાધનપુરના વિદ્રાન એડવોકેટ ડો.મહેશભાઈ મુલાણીની કરાઈ નિમણૂંક
વૈશ્ર્વિક કક્ષાએ કાર્યરત રઘુવંશી લોહાણા સમાજની 100 વર્ષ જૂની સંસ્થા લોહાણા મહાપરિષદના નવી ટર્મ 2026-2031 માટે નવા વરાયેલા પ્રમુખ સતીષભાઈ વિઠલાણીએ ઉત્તર ગુજરાત ઝોનના પ્રમુખ તરીકે રાધનપુરના વિદ્રાન એડવોકેટ તેમજ હિંમત વિધાનગરના નિષ્ઠાવાન પ્રમુખ એવા મહેશભાઈ મુલાણીની નિમણૂંક કરતાં સમગ્ર ઉત્તર ગુજરાતમાં આનંદની લાગણી પ્રસરી છે.
લોહાણા મહા પરિષદ ઉત્તર ગુજરાત ઝોનના તત્કાલીન પ્રમુખ ભગવાનભાઈ બંધુ,મંત્રી લીલાધરભાઈ આચાર્ય,જાણીતા સાહિત્યકાર કનુભાઈ આચાર્ય, પર્યાવરણ સમિતિ ચેરમેન કિરિટભાઈ ભીમાણી,રાધનપુરના અગ્રણીઓ રાયચંદભાઈ કેવળરામભાઈ જોબનપુત્રા,ડો.ધીરૂભાઈ પંપવાળા,ડો.નવીનભાઈ ઠક્કર, પ્રિન્સિપાલ સી.એમ.ઠકકર,મહા પરિષદ ઉત્તર ગુજરાત ઝોનના તત્કાલીન પદાધિકારીઓ મહાસુખભાઈ પૂજારા, ધનરાજભાઈ ઠક્કર, જીતુભાઈ સેજાણી,તરૂણભાઈ વી.ઠકકર, જનકભાઈ ઠક્કર, નિરંજનભાઈ એ. ઠક્કર, કમલેશભાઈ તન્ના,આનંદભાઈ પી.ઠકકર, શંકરભાઈ કતીરા, ,પ્રકાશભાઈ રામપ્રસાદભાઈ ઠક્કર,મીતલબેન ચંદારાણા, જનકભાઈ જે.ઠકકર, મહેશભાઈ ઉડેચા સહિત વિવિધ અગ્રણીઓએ મહેશભાઈ મુલાણીને અભિનંદન આપી તેમની નિમણૂંકથી અત્યંત રાજીપો વ્યક્ત કર્યો છે.
ડો.મહેશભાઈ મુલાણી
ઉત્તર ગુજરાત ઝોનમાં લોહાણા સમાજને વધારે સંગઠિત કરી શિક્ષણ તેમજ આરોગ્ય ક્ષેત્રે વિશિષ્ટ કામગીરી કરી સમાજની પ્રેરણાદાયી સેવા કરવામાં સફળ થાય તેવી શુભેચ્છાઓ તમામ આગેવાનો પાઠવી રહેલ છે.