ડીસામાં પૂજ્ય જલારામ બાપાના ભજનમાં ગૌમાતા હોસ્પિટલ નિર્માણ હેતુ રૂપિયા 25 લાખનો ચેક ટેટોડા ગૌશાળાને અર્પણ કરાયો
સમગ્ર ડીસા નગરના સનાતન હિંદુ સમાજમાં છેલ્લા આઠ વર્ષથી ઘેર ઘેર જઈને જલારામ સત્સંગ મંડળ ડીસા દ્રારા નિયમિત દર ગુરૂવારે પૂજ્ય જલારામ બાપાનાં ભજન કરવામાં આવે છે. ભજનમાં થતી તમામ આવક ગૌસેવા હેતુ જ વાપરવામાં આવે છે.
427 મા ગુરુવારે પૂજ્ય જલારામ બાપાનાં ભજન શ્રીમતી વીણાબેન રમેશભાઈ આયા પરિવારના નિવાસસ્થાને હતાં.આ ભજનમાં રૂપિયા 25 લાખનો ચેક ટેટોડા ગૌશાળા ખાતે બિમાર ગૌમાતાઓ માટે શ્રી જલિયાણ ગૌમાતા હોસ્પિટલ નિર્માણ હેતુ શ્રી આર.કે.અગ્રવાલ પરિવાર દ્રારા પૂજ્ય રામરતનજી મહારાજને અર્પણ કરવામાં આવ્યો હતો.
ભજન સંચાલક ભગવાનભાઈ બંધુએ ગૌસેવા હેતુ અપીલ કરતાં અંદાજે રૂપિયા 48000 અડતાલીસ હજારની ગૌસેવા એકત્ર થઈ હતી.યજમાન રમેશભાઈ આયા પરિવારનું પૂજ્ય જલારામ બાપાના સ્મૃતિચિન્હથી વાજતેગાજતે ભવ્યાતિભવ્ય દિવ્યાતિદિવ્ય સન્માન કરવામાં આવ્યું હતું.આગામી ગુરૂવારે પૂજ્ય જલારામ બાપાનાં ભજન શ્રીમતી કિંન્જલબેન હાર્દિકકુમાર શંભુલાલ જીવરાણી કસલપુરાવાળા પરિવારના નિવાસસ્થાને હોઈ સૌને નિમંત્રણ આપવામાં આવ્યું હતું.
