મોરબી : મોરબીમાં એપાર્ટમેન્ટમાંથી કારની ચોરી થઇ હોવાની ફરિયાદ મોરબી સીટી એ ડિવીઝન પોલીસ સ્ટેશનમાં નોંધવામાં આવી છે. જે ફરિયાદ મુજબ હાર્દીકભાઇ ધર્મેંદ્રભાઇ ઉઘરેજાએ નરસંગ ટેકરી પાછળ સરસ્વતી હાઇટસ એપાર્ટમેન્ટમાં નીચેના એરિયામાં સ્કોર્પીયો કાર રજી.નં. GJ-03-KH-8666 પાર્ક કરેલ હતી. આ કાર તા. 18ના રાત્રે 10 વાગ્યાથી તા. 19ના સવારના 8-30 વાગ્યા દરમિયાન અજાણ્યો શખ્સ ચોરી કરી ગયો છે. હાલમાં પોલીસે ચોરને પકડવા ચક્રો ગતિમાન કર્યા છે.
