જામનગર જિલ્લાના
જોડિયા તાલુકાની શ્રી હડિયાણા કન્યા શાળા પોતાના નવતર પ્રયોગો અને ઉમદા શિક્ષણ કાર્ય માટે આ વિસ્તારમાં ખૂબ જાણીતી છે. શિક્ષણ કાર્ય સાથે બાળકોના હીતનેઅને તેમની સમસ્યાઓને સમજે તે જ સાચો શિક્ષક કહેવાય. આ ઉક્તિને શ્રી હડિયાણા કન્યા શાળામાં કાર્ય કરતા શિક્ષક દંપતી બારૈયા દેવાંગીબેન એમ,અને ધમસાણિયા ચંપકભાઈ ઓ. એ સાર્થક કરી બતાવ્યું છે. જેવો સતત બાળકોના શિક્ષણ અને સમસ્યાઓ અંગે જાગૃત રહે છે.તેઓને મળેલ શ્રેષ્ઠ શિક્ષક પારિતોષિકની રકમમાંથી શાળામાં સેનિટરી પેડ અને માસ્ક ના નિકાલ માટેનું રૂ. 9000/- ની કિંમતનું ઇનસીનીરેટર નામનું મશીન દાન માં આપેલ છે.શાળાની દીકરીઓની સૌથી મોટી સમસ્યા કે પેડનો નિકાલ એ આ મશીનથી સરળતાથી થઈ શકશે અને બાળાઓને મોટી રાહત મળશે. આજ રોજ તા. 22/6/2021 ના રોજ શાળાના આચાર્યશ્રી અરવિંદભાઈ એન. મકવાણાને તેઓએ આ ભેટ સુપ્રત કરેલ છે. શિક્ષક દંપતીના આ ઉમદા કાર્ય માટે શાળા પરિવાર તેઓનેધન્યવાદ પાઠવે છે.કે તેઓ આવા પ્રેરણાદાયી કાર્ય કરતા રહે….
શરદ એમ.રાવલ.. હડિયાણા…
