રિપોર્ટર-મહમંદ રફિક જે દિવાન આણંદ તારાપુર
આણંદ જિલ્લામાં મહિલા સશક્તિકરણ સહિત વિવિધ સામાજિક શૈક્ષણિક સેવાકીય પ્રવૃતિઓ સાથે કાર્યરત સંસ્થા નવ ગુજરાત સ્રી અધિકાર સંઘના અધ્યક્ષ અલ્પાબેન પટેલની વિવિધ ક્ષેત્રોમાં ઉત્કૃષ્ટ કામગીરી અનેક સંસ્થાઓએ નોંધ લીધી છે. તેમજ વિવિધ પ્રમાણપત્રો, સ્મૃતિ ચિન્હ અર્પણ કરી સન્માન કરેલ છે. આમાં વધુ એક સંસ્થા ગ્રેવા ફિલ્મ પ્રોડક્શન વડોદરા દ્વારા એવોર્ડ માટે પસંદગી કરી સન્માન કર્યું છે. અલ્પાબેન પટેલની વિવિધ સામાજિક સેવાકીય પ્રવૃતિઓ સાથે સાથે બિનવારસી મૃૃતદેહને અગ્નિસંસ્કારનુ કાર્ય પણ કરી રહ્યા છે. આજદિન સુધીમાં ૩૫૭ મૃતદેહને અગ્નિસંસ્કાર આપવા બદલ વડોદરામાં યોજાયેલ સન્માન સમારોહ દરમિયાન ફિલ્મ જગતના જાણીતા કલાકારો અને હસ્તીઓની ઉપસ્થિતિમાં એવોર્ડ અને સન્માન પત્ર આપવામાં આવ્યું હતું. આ ભવ્ય સંસ્થા તરફથી સન્માન આપવા માટે પસંદ કરવા બદલ નવ ગુજરાત સ્રી અધિકાર સંઘ સહિત આણંદ જિલ્લાના મહીલા આગેવાનો અને કાર્યકરોએ આનંદની લાગણી વ્યક્ત કરી છે. ઉમદા સન્માન અને આદર બદલ સંસ્થાનો પણ આભાર વ્યક્ત કરી પ્રોત્સાહિત કરવા બદલ અભિનંદન પાઠવવામાં આવ્યા હતા.