ટંકારા મામલતદાર કચેરી ખાતે ફલડ કંટ્રોલ રૂમ કાર્યરત કરવામાં આવ્યો છે. જ્યાં અધિકારીઓ અને સંગઠનના હોદ્દેદારો સાથે ટંકારા ધારાસભ્યશ્રી દુર્લભજી દેથરીયાએ મુલાકાત લઈ મીટીંગ યોજી હતી.
ટંકારા ખાતે સંગઠનના હોદ્દેદારો મળીને તમામ ગામોની એક – એક કલાકની બેક ટુ બેક માહિતી મેળવીને જરૂરી તમામ કામગીરી કરી રહ્યાં છે. ઉપરાંત તેમના દ્વારા વાવાઝોડાના અસરગ્રસ્ત લોકો માટે ફૂડ પેકેટ પણ તૈયાર કરવામાં આવ્યા છે. ઉપરાંત ધારાસભ્યશ્રીએ અને અધિકારીઓએ લોકોને ઘરની બહાર ન નિકળવા અપીલ પણ કરી છે. તમામ અધિકારી અને કર્મચારીઓ ખડેપગે રહીને વાવાઝોડા સામે ટક્કર આપી જનહિત ની કાર્યવાહી કરી રહ્યા છે.
