*𝐇𝐄𝐋𝐋𝐎 𝐌𝐎𝐑𝐁𝐈 𝐍𝐄𝐖𝐒:માળીયાના ખાખરેચી ગામે ખેતરમાં મંજૂરી વગર ખડકી દિધેલ વીજપોલ ઉખાડી ફેંકવામાં આવશે: મહેશ રાજકોટીયા*

માળીયાના ખાખરેચી ગામે ખેતરમાં મંજૂરી વગર ખડકી દિધેલ વીજપોલ ઉખાડી ફેંકવામાં આવશે: મહેશ રાજકોટીયા
ખાખરેચી:તા ૧૦ *(નૈમિષ સેજપાલ દ્વારા*)વર્ષોથી ખેડૂતના ખેતરમાં મંજૂરી વગર તેમજ કોઈપણ પ્રકારનું વળતર ચૂકવ્યું નથી જેથી હવે ખેડૂત ગાંધીગીરી નહીં પરંતુ ભગતસિંહ વાળી કરવાના મૂળમાં

માળીયા મીયાણા તાલુકાના ખાખરેચી ગામે ખેડૂતોના ખેતરમાં મંજૂરી વગર વીજપોલ ખડકી દેવામાં આવેલ અને જેનું આજ સુધી કોઈ વળતર ચુકવવામાં આવેલ નથી જેથી મોરબી જિલ્લા કોંગ્રેસ આગેવાન મહેશ રાજકોટીયા દ્વારા કલેકટરને આવેદનપત્ર પાઠવી ખેતરમાં મંજૂરી વગર ખડકી દેવામાં આવેલ વીજપોલ ઉખાડી ફેંકવા રજુઆત કરી માંગ કરી છે.
રજુઆતમાં જણાવ્યું હતું કે મોરબી જીલ્લાના માળિયા તાલુકાના ખાખરેચી ના ખેડૂત ખાતેદાર રમેશ દલાભાઈ કૈલા ની ખેતીના જામીન સર્વે નં.287 પૈકી 2 આવેલી હોઈ જેમાં લાકડીયા થી વડોદરા જતી 765 કે.વી.ડી.સી.લાઈન નાખવામાં આવેલ સ્ટરલાઇટ કંપની દ્વારા વળતર ની રકમ મંજુર કર્યા ની જાણ કર્યા વગર ખેડૂતને વળતર મળી જશે તેવી આશા આપીને વીજટાવર નું નિર્માણ કરવામાં આવેલ અને પાકો ની થયેલી નુકશાની પણ આપવામાં આવેલી નથી તથા કોઈ જ પ્રકાર ની વળતર ની રકમ આજદિન સુધી ચુકવેલ નથી. અને વળતર ની રકમ મળેલ નથી તે અંગે ખેડૂતોએ કલેકટરને તથા તાબાની પ્રાંત કચેરી ને વારંવાર આ બાબતે રજુવાતો કરવા છતાં કોઈ પ્રશ્નો નો હલ થયેલ નથી.
સંદર્ભ -5 6 9 10 11 ની વારંવાર અરજીઓ થી લેખીત આપવા છતાં પણ કોઈ જાતનું વળતર કંપની દ્વારા ખેડૂતો ને આપવામાં આવેલ નથી. જેથી સ્પષ્ટ છે કે આપના સંદર્ભ 1 અને 2 વાળા હુકમો નો અનાદાર કરવામાં આવેલ છે અને તમામ શરતોનો ભંગ થયેલો છે જેથી ખેડૂતની જમીનોમાં ઉભા કરવામાં આવેલ સ્ટરલાઈન પાવર ટ્રાન્સમિશન લીમીટેડ ના વીજટાવર દૂર કરાવવા કાયદેસરના હક્કદાર છે અને ઉખાડી ને ફેંકી દેતા અચકાશું નહીં સમજી લેજો
વધુમાં જણાવ્યુ કે PMO ઓફિસ,મુખ્યમંત્રી તથા ઉર્જા વિભાગ મુખ્ય સચિવ ગાંધીનગર તરફ થી પણ વારંવાર વળતર ચૂકવવા જણાવેલ તેમ છતાં પણ આ કંપની દ્વારા ખેડૂતો ને કોઈ જ વળતર ચુકવેલ નથી જેથી ગુજરાત સરકાર ના પણ હુકમો નો અનાદાર થયેલ છે અને શરતો નું પાલન કરેલ ન હોવાનું સ્પષ્ટ દેખાઈ આવે છે. જેથી કંટાળેલા ખેડૂતોએ કોંગ્રેસ આગેવાન મહેશ રાજકોટીયા સમક્ષ રજુવાત કરેલ હોઈ જેથી આ આવેદન સાથે આપના દ્વારા તથા લગત તમામ કચેરી માં થયેલ હુકમો તથા પત્ર વ્યવહાર ની તમામ નકલ સામેલ છે.જે ગંભીર બાબત હોઈ સત્વરે વળતર ચૂકવવમાં આવે નહીં તો 10 દિવસમાં યોગ્ય ઉકેલ નહીં આવે તો હું મહેશ રાજકોટીયા દ્વારા તાલુકા અને જિલ્લા ના આગેવાનો અને ખેડૂતો ને સાથે રાખી ને વીજપોલ ઉખાડીને ફેંકી દેવામા આવશે આ મુદ્દે કોઈ જ અધિકાર ની મધ્યસ્થા સાખી લેવાશે નહીં અને કલેક્ટર કચેરી ખાતે પણહલ્લાબોલ કરવાની ચીમકી ઉચ્ચારી હતી.
ઉલ્લેખનીય છે કે કોંગ્રેસ આગેવાન મહેશભાઈ રાજકોટીયા પાસે ખેડૂતો ના પ્રાણ પ્રશ્નો 2017 /18 ના વીમા બાબતે અને વીજપોલ ની રજુવાતો આવતી રહેતી હોઈ છે જેમાં આવનારા દિવસો માં અનેક વીજપોલ નાખવાની તજવીજ અદાણી કંપની તથા અનેક કંપની દ્વારા નિયમો ના ચીથરા ઉડાવી ને કામગીરી હાથ ધરવામાં આવેલ છે જેમાં પણ નિયમ વિરુદ્ધ પોલીસ તંત્ર ને સાથે રાખી બળ પ્રયોગ કરીને ખેડૂતો ના અવાજો અને રજુવાતો ને ધ્યાન માં લેવામાં આવતી નથી. જે કાયમ દબાવી દેવામાં માહીર આ સરકાર અને તંત્ર ને અવગત કરવા અને આવનારા દિવસો માં આ બાબતે આપનું તંત્ર નિયમો નો ઉલાળિયો કરી ને કંપની ના પક્ષે ચુકાદા આપતા પહેલા કંપનીઓને કોઈ પણ મંજૂરી દેતા પહેલા કે કોઈ હુકમો કરતા પહેલા ખેડૂતો ને પડતી મુશ્કેલી અને ખેડૂતો ની રોજીરોટી નો 100 વાર વિચાર કરજો. કેમકે કોઈ પણ ખેડૂતોની પરવાનગી વગર કોઈ જ કામગીરી ખેડૂતોના ખેતરમાં પોલીસ તંત્ર કે કંપની દ્વારા દાદાગીરી કરીને ના જ થવી જોઈએ. તેમજ આવનારા દિવસોમાં યાદ રહે જેની ગંભીરતા થી નોંધ લેશો અને ખેડૂતો ના પક્ષ માં યોગ્ય કરવા અમારી માંગ છે અને સરકારને ભલામણ કરી છે તેમજ ખેડૂત એ મારો તમારો અને દેશ નો અન્નદાતા છે અને હું પણ ખેડૂતપુત્ર છું. ખેડૂતો ની દશા અને વ્યથા આજે શું છે એ સૌ જાણે છે. અને બસ એજ વિશેષ કઈ ના કહેતા જો આ સમસ્યા બાબતે 10 દિવસમાં યોગ્ય કરવામાં નહી આવે તો ઉગ્ર આંદોલન કરવામાં આવશે.અને આવા મંજૂરી લીધા વગર ના અને ખેડૂતો ને વળતર ચૂકવ્યા વગર ના જેટલા વીજ ટાવર નાખવામાં આવ્યા છે તેને ઉખેડી ફેંકવા માં મને વાર નહીં લાગે હું બોલું છું એ કોઈ પણ સંજોગો માં પૂરું કરવાની આદત છે એ તંત્ર સારી રીતે સમજી લ્યે અને જેતે લગત સરકાર વિભાગ માં તાત્કાલિક જાણ કરી ને દિવસ ૧૦ માં વળતર મળે તેવી વ્યવસ્થા કરી ને જાણ કરવા વિનંતી કરી હતી અન્યથા પરિણામ ગંભીર આવશે.