જન્મદિવસ નિમિત્તે ડીસામાં યોજાયાં પૂજ્ય જલારામ બાપાનાં ભજન
છેલ્લા આઠ વર્ષથી ડીસા નગરમાં શ્રી જલારામ ગૌ સત્સંગ મંડળ દ્વારા દર ગુરૂવારે ખૂબ જ ભાવપૂર્વક પૂજ્ય જલારામ બાપાનાં ભજન થાય છે.ગત 414 મા ગુરૂવારે શ્રીમતી સરોજબેન હિતેશભાઈ પ્રવિણચંદ્ર સોનપાલની લાડકવાયી દીકરી ચિરંજીવી પૂનમના જન્મદિવસ નિમિત્તે તેમના નિવાસસ્થાને પૂજ્ય જલારામ બાપાનાં ભજન રાખવામાં આવ્યાં હતાં.
ખૂબ જ મોટી સંખ્યામાં હરિભક્તો ઉપસ્થિત રહેતાં ભજનની રમઝટ જામી હતી.ભજન સંચાલક ભગવાનભાઈ બંધુ તેમજ કનુભાઈ તૃપ્તિવાળાએ ગૌસેવા હેતુ અપીલ કરતાં અંદાજે 90000 નેવુ હજાર જેટલી ગૌસેવા એકત્ર થઇ હતી.આગામી ગુરૂવારે ડોક્ટર સી.કે.પટેલની હોસ્પિટલ ખાતે ભજન રાખેલ હોઈ તેનું સૌને નિમંત્રણ આપવામાં આવ્યું હતું.
યજમાન પરિવાર શ્રીમતી સરોજબેન હિતેશભાઈ પ્રવિણચંદ્ર સોનપાલનું પૂજ્ય જલારામ બાપાના મોમેન્ટોથી વાજતેગાજતે ભવ્યાતિભવ્ય દિવ્યાતિદિવ્ય સન્માન કરવામાં આવ્યું હતું.પૂનમનો જન્મદિવસ હોઈ તેના ઉપર ફૂલવર્ષા કરી તેનું લાગણીસભર સન્માન કરવામાં આવ્યું હતું.
સમગ્ર કાર્યક્રમનું યુ ટ્યુબ લાઈવ પ્રસારણ લોહાણા ન્યૂઝના તંત્રી આનંદભાઈ પી ઠક્કરે કર્યું હતું.
