મોરબી : મોરબીમાં રોન્ગ સાઈડમાં આવેલ કારે હડફેટે લેતા બાઈક પાર્ક કરી ઉભેલા યુવકનું સારવાર દરમિયાન મોત થયું છે.
ગત તા. 11ના રોજ મોરબીમાં બાપા સિતારામ ચોક નજીક ગીતા પાનવાળી શેરીમાં રમેશભાઈ બાઈક રજી. નં.GJ-21-S-8208 સાઈડમાં પાર્ક કરીને ઉભા હતા. તે દરમ્યાન ઈક્કો કાર રજી.નં. GJ-03-HK-0660ના ચાલકે પુરઝડપે અને બેફીકરાઇથી રોંગ સાઈડમાં આવી હતી. અને રમેશભાઈના બાઈક સાથે ભટકાડી દીધી હતી. આ અકસ્માતમાં રમેશભાઈને પેટના ભાગે ગંભીર ઈજા પહોંચી હતી. અકસ્માત બાદ આરોપી કાર મુકી નાસી ગયેલ હતો. રમેશભાઈનું સારવાર દરમિયાન મોત નીપજ્યું છે. આ બનાવ અંગે મૃતક રમેશભાઈના પિતા ગોકુળભાઈ પ્રાગજીભાઈ ડાંગરોશીયાએ મોરબી સીટી એ ડિવીઝન પોલીસ સ્ટેશનમાં ફરિયાદ નોંધાવી છે. હાલમાં પોલીસે આરોપી કારચાલકને પકડવા તજવીજ હાથ ધરી છે.
